Гедэон Алендскі

Гедэон Алендскі (? — пасля 1737) — вялікалітоўскі дзяржаўны дзеяч.

Гедэон Алендскі
Род	Алендскія
Бацька	Дыянісій Алендскі[d]
Маці	Ганна з Самбаржэцкіх[d]

Біяграфія

Паходзіў са шляхецкага роду Алендскіх герба «Равіч», сын Дыянісія і Ганны з Самбаржэцкіх, пачынальнікаў хрустаўскай галіны роду, унук Юрыя.

Пісар гродскі, стражнік Ваўкавыскага павета (1734), дэпутат Галоўнага Трыбунала Вялікага Княства Літоўскага (1716), пасол на Варшаўскі сойм (1735).

Сям’я

Двойчы жанаты. Першы шлюб з Рахеллю Глушынскай, з якой меў аднаго сына Ігнацыя Францішка і трох дачок — Ганну Канстанцыю, Іаганну, Тэадору.

Другі шлюб з Ганнай удавой па Францкевічу-Радзімінскаму, з якой меў двух сыноў — Дыянісія і Юрыя.

Літаратура

• Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 23. — 696 с. — ISBN 978-985-11-0487-7 (т. 3), ISBN 985-11-0315-2.