Герб Клайпеды
Герб Клайпеды (літ.: Klaipėdos herbas) — афіцыйны сімвал горада Клайпеда, адміністрацыйнага цэнтра Клайпедскага павета Літвы. Выкарыстоўваецца таксама ў якасці герба гарадскога муніцыпалітэта. Аўтар сучаснага герба — Кястуціс Міцкявічус[1].
| Герб Клайпеды літ.: Klaipėdos herbas | |
|---|---|
 |
|
| Дэталі | |
| Носьбіт | Клайпеда |
| Зацверджаны | 1 ліпеня 1992 |
Шчыт |
іспанскі шчыт |
| Заснаванне | чырвоны шчыт |
| Іншыя элементы | сцяна з трыма вежамі, човен, чатыры зоркі |
| Раннія версіі |
 |
| Аўтар герба | Кястуціс Міцкявічус |
Апісанне правіць
Герб уяўляе сабой іспанскі шчыт, у чырвоным полі якога намалявана залатая зубчастая мураваная сцяна з трыма вежамі, цэнтральная большая. Вакол вежаў 4 пяцівугольныя зорачкі. Пад сцяной човен[2].
Сімвалізм правіць
Паводле меркавання большасці гісторыкаў і геральдыстаў, на гербе намаляваны Мемельскі замак. Існуе таксама версія, што дзве драўляныя вежы — гэта навігацыйныя маякі, якія сімвалізуюць порт Мемель. Човен з'яўляецца сімвалам значнага транспартнага цэнтра і суднаходства, а зоркі, як лічыцца, паказваюць дарогу караблям[3].
Гісторыя правіць
Герб горада на працягу яго гістарычнага развіцця практычна не змяняўся. Найстарэйшая выява герба Мемеля, якая дайшло да нашага часу, выканана на гарадской пячатцы 1619 года[1].
На адным з клайпедскіх дамоў XVIII стагоддзя захавалася рэльефная выява герба Мемеля ў авальным шчыце, з нашлемнікам у выглядзе хлопчыка[4].
Выява зубчастай сцяны з трыма вежамі і чоўнам але без зорак, выкарыстоўвалася на гарадской пячатцы 1900 года і гербе Мемеля 1918 года[5].
У савецкі час герб Клайпеды ўпершыню апрабаваны Рэспубліканскай геральдычнай камісіяй у 1969 годзе. Аўтарам ўзноўленага герба стаў Ёнас Стумбрас. Герб паўтараў гістарычны сімвал горада, але быў выкананы на варажскім шчыце, ад якога пазней адмовіліся[1].
Сучасны выгляд герба горада распрацаваны ў адпаведнасці з гістарычнай версіяй Клайпедскім цэнтрам дызайну і зацверджаны 1 ліпеня 1992 года[1].
Зноскі
- ↑ а б в г Miesto herbas — primiršta istorija (літ.)
- ↑ ГЕРБ ГОРОДА КЛАЙПЕДА (КЛАЙПЕДСКИЙ УЕЗД)
- ↑ Miesto herbas — primiršta istorija. «15-min.lt», 13.10.2010 (літ.)
- ↑ Memel-Neustadt Архівавана 16 мая 2016.
- ↑ Klaipėdos miesto savivaldybė (руск.)
Літаратура правіць
- Geheimes Staatsarchiv preussischer Kulturbesitz, Ostpreussen, Fol. 624, p. 447
- Heinrich Neu. Das Wappen von Memel. Entstehung und Geschichte. — Bonn, 1958.
- Edmundas Rimša. Lietuvos heraldika. — Vilnius: Baltos lankos, 2008. ISBN 978-9955-23-202-5
- Архив Геральдической комиссии Литвы (материал 1967—1970 годов хранится в Центре культурного наследия)
Спасылкі правіць
На Вікісховішчы ёсць медыяфайлы па тэме Герб Клайпеды- Lithuanian Civic Heraldry. Heraldry of the World (англ.)
- Клайпедскае гарадское самакіраванне на Heraldicum.ru (руск.)
- Герб горада Клайпеда на Geraldika.ru (руск.)
