Гніліцкі сельсавет
Гнілі́цкі сельсавет — былая адміністрацыйна-тэрытарыяльная адзінка ў складзе Краснапольскага раёна Магілёўскай вобласці. Цэнтр — вёска Гніліца.
Гніліцкі сельсавет | |
---|---|
Краіна | Беларуская ССР |
Уваходзіў у | Краснапольскі раён |
Уключаў | 30 населеных пунктаў |
Адміністрацыйны цэнтр | Гніліца |
Дата ўтварэння | 20 жніўня 1924 |
Дата скасавання | 11 красавіка 1960 |
Утвораны 20 жніўня 1924 года як Гніліцкі (Глініцкі) сельсавет у складзе Краснапольскага раёна Калінінскай акругі БССР. З 9 чэрвеня 1927 года ў складзе Магілёўскай акругі. Пасля скасавання акруговай сістэмы 26 ліпеня 1930 года ў Краснапольскім раёне БССР. З 20 лютага 1938 года ў складзе Магілёўскай вобласці. 16 ліпеня 1954 года да сельсавета далучана тэрыторыя скасаванага Клясінскага сельсавета[1]. 11 красавіка 1960 года скасаваны, населеныя пункты перададзены ў склад Касцягаўскага сельсавета (15 населеных пунктаў: Арцёхаў, Вясёлы, Гніліца, Грозны, Зарэчча, Зборны, Каўпіта, Леніна, Льва Талстога, Мікольск, Някрасава, Рашатнёўка, Слабада, Стайкі і Холмінкі) і ў адміністрацыйнае падпарадкаванне Краснапольскага пассавета (15 населеных пунктаў: Буходзькава, Волата, Гара, Грыбаўшчына, Дзежыно, Доўгая Выгар, Дубраўка, Клясіна, Ламы, Малюшына, Непераможны, Сіняе Балота, Тур’я, Хвашчы і Шырокі)[2].
На момант скасавання ў склад сельсавета ўваходзілі 30 населеных пунктаў.
Зноскі
- ↑ Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
- ↑ Рашэнне выканкома Магілёўскага абласнога Савета дэпутатаў працоўных ад 11 красавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 10.
Літаратура правіць
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.