Магілёўская акруга

Магілёўская акруга — адміністрацыйна-тэрытарыяльная адзінка ў БССР. Існавала ў 1924—1930 гг. Утворана 17 ліпеня 1924 г. Цэнтр — г. Магілёў. Плошча акругі 11 602 кв. км., нас. 512,7 тыс. чал. (1924). Акруговая газета — «Магілёўскі селянін».

Магілёўская акруга
Краіна	СССР
Уваходзіць у	БССР
Адміністрацыйны цэнтр	Магілёў
Дата ўтварэння	17 ліпеня 1924
Дата скасавання	26 ліпеня 1930
Насельніцтва	530 800 чал. (1926)
Плошча	11 700 км²
Медыяфайлы на Вікісховішчы

Магілёўская акруга ў 1925 годзе

Магілёўская акруга ў 1928 годзе

У склад акругі ўваходзілі 4 гарады (Стары Быхаў, Магілёў, Чавусы, Шклоў), 3 мястэчкі (Бялынічы, Карма, Прапойск). У сувязі са скасаваннем Калінінскай акругі 9 чэрвеня 1927 г. у Магілёўскую акругу перададзены Бялынкавіцкі, Касцюковіцкі, Клімавіцкі, Краснапольскі, Крычаўскі, Мілаславіцкі, Хоцімскі, Чэрыкаўскі раёны. 4 жніўня 1927 г. скасаваны Бялынкавіцкі раён (яго тэрыторыя далучана да Касцюковіцкага раёна). На 1 студзеня 1930 г. у Магілёўскай акрузе 16 раёнаў, 6 гарадоў, 7 мястэчак, 259 сельсаветаў, у т.л. 3 польскія і 2 латышскія нацыянальныя. 26 ліпеня 1930 г. Магілёўская акруга скасавана.

Раёны

Раёны падзяляліся на 161 сельсавет.

• Быхаўскі
• Бялыніцкі
• Журавіцкі
• Кармянскі
• Лупалаўскі
• Магілёўскі
• Прапойскі
• Чавускі
• Чачэвіцкі
• Шклоўскі

Літаратура

• Пушкін, І. Магілёўская акруга / Ігар Пушкін // Энцыклапедыя гісторыі Беларусі: У 6 т. Т. 5. М — Пуд / БелЭн; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1999. — 592 с.: іл. — С. 15. — ISBN 985-11-0141-9.
• Рыдзеўскі, Г. У. Магілёўшчына: губерня, акруга, вобласць (аналіз адміністрацыйнага падзелу) // Магілёўская даўніна. — Магілёў, 1993.