Горназаводскі Урал

Ніжнетагільскі музей-запаведнік «Горназаводскі Урал» — музейнае аб'яднанне музеяў і культурных аб'ектаў Ніжняга Тагіла, комплекс помнікаў спадчыны, гісторыі і культуры і аб'яднанне музейных устаноў Ніжняга Тагіла. Музей размяшчаецца ў будынку былога Гарсавета, у Ленінскім раёне горада, на скрыжаванні праспекта Леніна і вуліцы Астроўскага, у гістарычным цэнтры горада. Комплекс будынкаў Гісторыка-краязнаўчага музея, галоўнага будынка-кіравання «Горназаводскага Урала» і гістарычнага архіва Ніжняга Тагіла завецца «Тагільскі крэмль».

Ніжнетагільскі музей-запаведнік «Горназаводскі Урал»
Заснаваны	1841 год
Месцазнаходжанне	Ніжні Тагіл, праспект Леніна, 1
Праезд	Трамвай 1,3,8,9,12,15,17; аўтобус 3,5,7,8,14,17,34,41
Дырэктар	Меркушава Эльвіра Раісаўна
museum-nt.ru
Медыяфайлы на Вікісховішчы

Гісторыя

Музей-запаведнік «Горназаводскай Урал» быў заснаваны ў 1841 г. П. Н. Дзямідавым і спачатку зваўся «Музеум прыродазнаўчай гісторыі і старажытнасцей». Ён ствараўся ў якасці кунсткамеры ў гонар прыезду на Тагільскія заводы цэсарэвіча Аляксандра. Музей складаўся з некалькіх падраздзяленняў: бібліятэкі, архіва, шэрага калекцый (у прыватнасці геалагічнай, мінералагічнай і металургічнай), прадметаў са сходу Дзямідавых.

Склад музейнага аб'яднання

У наш час у склад «Горназаводскага Урала» уваходзяць наступныя музеі:

• Гісторыка-краязнаўчы музей
• Завод-музей гісторыі горназаводскай тэхнікі
• Музей побыту і рамёстваў горназаводскага насельніцтва «Панскі дом»
• Музей падноснага промыслу
• Гісторыка-тэхнічны музей «Дом Чарапанавых»
• Музей-сядзіба «Дзямідаўскае лецішча»
• Мемарыяльна-літаратурны музей Бондзіна
• Літаратурна-мемарыяльны музей Д. Н. Маміна-Сібірака
• Музей прыроды і аховы навакольнага асяроддзя (Верхні правіянцкі склад)
• Музей «Фондасховішча» (Ніжні правіянцкі склад)
• Музей «Дом рэдкай кнігі» («Краязнаўчая бібліятэка»)
• Музей-выстаўка горназаводскага абсталявання (экспазіцыя пад адкрытым небам)
• Лісіная гара (вартаўнічая вежа з невялікай экспазіцыяй усярэдзіне)
• Ганчарная майстэрня.

Культурная дзейнасць

Музей вядзе актыўную асветніцкую дзейнасць: арганізоўвае буйныя выстаўныя праекты, такія як «Гісторыя Уральскай горназаводскай чыгункі ў XIX ст.» (2004 г.), «Гісторыя подноснага промыслу ў Ніжнім Тагіле» (2009 г.), «Жывёльны мір Урала» (2007 г.) і інш., выпускае друкаваныя выданні, арганізоўвае розныя экскурсіі і іншыя культурныя імпрэзы.

Спасылкі

• Нижнетагильский музей-заповедник «Горнозаводской Урал» (руск.). Культура РФ. Праверана 30 сакавіка 2015.
• Нижнетагильский музей-заповедник «Горнозаводской Урал» (руск.). Музеи России. Праверана 30 сакавіка 2015.