Група савецкіх ваенных спецыялістаў у Нікарагуа
Група савецкіх ваенных спецыялістаў у Нікарагуа — кантынгент савецкіх вайскоўцаў у Нікарагуа, якія аказвалі падтрымку ў ваеннай падрыхтоўцы і грамадзянскай вайне 1981—1990 гадоў.
Група савецкіх ваенных спецыялістаў у Нікарагуа | |
---|---|
Гады існавання | 1979—1990 |
Краіна | СССР |
Тып | група ваенных саветнікаў і ваенспецаў |
Дыслакацыя | Нікарагуа |
Войны | Грамадзянская вайна ў Нікарагуа |
Савецкая ваенная дапамога дзяржаве пачалася пасля прыходу да ўлады сандзіністаў у 1979 годзе. Урад Нікарагуа стаў набываць у Масквы ўзбраенне і тэхніку. Адначасна лінуў паток саветнікаў і спецыялістаў. Да 1990 года ў краіне пабывала 688 прадстаўнікоў УС СССР, у тым ліку 77 вайскоўцаў тэрміновай службы. Нярэдка яны ўдзельнічалі ў баявых дзеяннях супраць контрас. Аднак роля савецкіх ваенных спецыялістаў у нікарагуанскім канфлікце насіла абмежаваны характар, маючы на ўвазе ў першую чаргу матэрыяльна-тэхнічную дапамогу.
У 1982 годзе ваенныя медыкі з СССР аказвалі дапамогу жыхарам паўночных рэгіёнаў, якія пацярпелі ад паводкі. Для грамадзянскіх асоб быў уладкаваны шпіталь на 100 ложкаў.
Паводле неафіцыйных даных, у Нікарагуа ў сярэдзіне 1980-х гадоў знаходзілася таксама значная колькасць савецкіх інструктараў па лініі ваеннай разведкі. У іх задачу ўваходзіла навучанне мясцовых байцоў метадам дыверсійнай і партызанскай барацьбы.
У часы перабудовы Савецкі Саюз перайшоў да нейтральнай пазіцыі ў нікарагуанскім канфлікце, вывеўшы з «гарачай кропкі» сваіх саветнікаў і ваенспецаў.
Літаратура
правіць- Баранов, А.В. Сотрудничество СССР и Никарагуа в условиях Сандинистской революции // Ибероамериканские тетради : журнал. — 2023. — № 2. — С. 168–181.
- Никифоров А.Л. Советские военные специалисты в Никарагуа (1981–1990) // Царскосельские чтения : журнал. — 2015. — С. 59—62.