Грымбальдава Евангелле

Грымбальдава Евангелле, ці Евангелле Грымбальда (англ.: Grimbald Gospels) — англасаксонскі ілюмінаваны рукапіс, створаны ў пачатку XI стагоддзя. У цяперашні час захоўваецца ў зборы Брытанскай бібліятэкі.

невядома
Грымбальдава Евангелле. XI стагоддзе
Матэрыял	пергамент
Брытанская бібліятэка
Медыяфайлы на Вікісховішчы

Гісторыя

Паходзіць з царквы Святога Хрыста, што ў абацтве Вінчэсцер. Таксама прыпісваецца Эадуі Басану. Пазней, каля XI стагоддзя ў Нью-Мінстэры, туды дадалі копію пісьма Фулько, які рэкамендуе Святога Грымбальда. Грымбальд шанаваўся як святы, і мошчы яго захоўваюцца ў Нью-Мінстэрскім абацтве.

Рукапіс набыты Брытанскім музеем у Куорытча 13 красавіка 1896 года.

Апісанне

Верхняя вокладка

Рукапіс складаецца са 161 ліста пергамена памерамі 325 x 245 мм (тэкставая прастора: 215 х 155 мм), сабраных пад драўляным пераплётам.

Змяшчае прадмову да Евангелля ад Матфея, спасылкі на каноны адзначаны на палях. Таксама змяшчае копію пісьма ад Фулько, архіепіскапа Рэймскага, да караля Альфрэда (f.158).

Спасылкі

• Евангелие Гримбальда (1012 — 1023, Винчестер \ Британская библиотека) // Искусствоед.ру (руск.)
• Эадуи Басан (руск.)