Грэтхен Уітмер

Грэтхен Уітмер
Грэтхен Уітмер
	англ.: Gretchen Whitmer
Дэпутат Палаты прадстаўнікоў штата Мічыган[d]
	1 студзеня 2001 — 16 сакавіка 2006
Папярэднік	Laura Baird[d]
Пераемнік	Mark S. Meadows[d]
Дэпутат Сената штата Мічыган[d]
	21 сакавіка 2006 — 1 студзеня 2015
Папярэднік	Virgil Bernero[d]
Пераемнік	Curtis Hertel[d]
49-ы Губернатар штата Мічыган[d]
	з 1 студзеня 2019
Папярэднік	Рык Снайдэр[d]
Нараджэнне	23 жніўня 1971 (53 гады); Лансінг, акруга Інгам[d], Мічыган, ЗША;
Імя пры нараджэнні	англ.: Gretchen Esther Whitmer
Веравызнанне	хрысціянства
Партыя	Дэмакратычная партыя ЗША;
Адукацыя	Мічыганскі дзяржаўны ўніверсітэт (1993); Мічыганскі дзяржаўны каледж права[d] (1998); Форэст-Хілская цэнтральная сярэдняя школа[d];
Навуковая ступень	бакалаўр мастацтваў[d] і доктар права[d]
Аўтограф
Узнагароды	«Профіль у адвазе»[d] (2021) Зала славы жанчын Мічыгана[d] (2023)
Сайт	michigan.gov/whit… (англ.)
	Медыяфайлы на Вікісховішчы

Грэтхен Эстэр Уітмер (англ.: Gretchen Esther Whitmer; 23 жніўня 1971, Лансінг, Мічыган, ЗША) — амерыканскі юрыст і палітык, губернатар штата Мічыган з 2019 года, сябар Дэмакратычнай партыі.

Нарадзілася і вырасла у Мічыгане. Скончыла Мічыганскі дзяржаўны ўніверсітэт і Дэтройтскі юрыдычны каледж. Яе палітычная кар'ера пачалася ў 2000 годзе, калі яна была абраная ў Палату прадстаўнікоў штата Мічыган. У 2006 годзе яна выйграла спецыяльныя выбары ў сенат штата і прапрацавала ў ім да 2015 года. Яна была першай жанчынай-лідэрам дэмакратаў у сенаце штата, займаючы гэтую пасаду з 2011 па 2015 год. У 2013 годзе прыцягнула грамадскую ўвагу сваёй прамовай падчас дэбатаў аб абортах у якой яна падзялілася сваім вопытам сэксуальнага гвалту. На працягу шасці месяцаў у 2016 годзе яна была пракурорам акругі Інгам. Была абрана губернатарам штата ў 2018 годзе, перамогшы кандыдата ад Рэспубліканскай партыі Біла Шуэта, генеральнага пракурора штата.

У якасці губернатара засяродзілася на заканадаўстве ў галіне аховы здароўя і інфраструктуры. У лютым 2020 года яна была абрана, каб даць адказ ад імя Дэмакратычнай партыі на зварот тагачаснага прэзідэнта ЗША Дональда Трампа аб становішчы ў краіне ў 2020 годзе. У кастрычніку 2020 года ФБР выкрыла змову групы асоб аб яе выкраданні. Са студзеня 2021 года яна займае пасаду аднаго з намеснікаў старшыні Нацыянальнага камітэта Дэмакратычнай партыі ЗША. Яна была пераабрана губернатарам у 2022 годзе, перамогшы кандыдата ад Рэспубліканскай партыі Тудара Дыксана.

Летам 2024 года ЗМІ пачалі актыўна абгаворваць магчымасць яе вылучэння ў якасці кандыдата ў прэзідэнты ЗША ад Дэмакратычнай партыі ў выпадку адмовы Джо Байдэна зноў балатавацца на гэтую пасаду ў лістападзе 2024 года.

У яе двое дзяцей ад першага мужа — Гэры Шрусбера. Пара развялася, і ў 2011 годзе яна выйшла замуж за дантыста Марка Мэлары, у якога трое сыноў ад папярэдняга шлюбу. Уітмер і Мэлары жывуць у Іст-Лансінгу з дзвюма яе дочкамі і трыма ягонымі сынамі.