Мічыган (англ.: Michigan) — штат на поўначы ЗША. Кветка-сімвал штата з 1897 года — яблыневы квецень. Мічыган таксама называюць «Штат Расамах» і «Штат у Вялікага Возера». Плошча штата 250,7 тыс. км² (11-е месца ў ЗША), з якіх 41,3 % — водная паверхня. Штат складаецца з 2-х паўвастравоў: Верхняга і Ніжняга, якія злучаныя паміж сабой мастом Макіна, а таксама мноства дробных астравоў. На тэрыторыі штата знаходзіцца больш за 11 тысяч дробных азёр. Мічыган мяжуе з канадскай правінцыяй Антарыа і амерыканскімі штатамі Агая, Індыяна і Вісконсін. Мае водную мяжу са штатамі Ілінойс і Мінесота.

Мічыган
англ.: State of Michigan
Герб Сцяг
Герб Сцяг
Краіна
Гімн My Michigan[d]
Уваходзіць у
Адміністрацыйны цэнтр
Дата ўтварэння 26 студзеня 1837
Кіраўнік Грэтхен Уітмер[d]
Насельніцтва
  • 10 077 331 чал. (1 красавіка 2020)[3]
Плошча
  • 250 493 км²
Вышыня
над узроўнем мора
275 м
Мічыган на карце
Часавы пояс EDT[d][1], CDT[d][1], зона Амерыка/Нью-Ёрк[d] і UTC-5
Код ISO 3166-2 US-MI
Афіцыйны сайт (англ.)
Лагатып Вікісховішча Медыяфайлы на Вікісховішчы

Сталіца штата — Лансінг. Найбуйнейшыя гарады — Дэтройт, Гранд-Рапідс, Уорэн. Мічыган знаходзіцца ў зоне вільготнага кантынентальнага клімата.

Гісторыя правіць

26 студзеня 1837 года Мічыган увайшоў у склад ЗША і стаў 26-ым штатам.

Эканоміка правіць

Дэтройт з’яўляецца цэнтрам амерыканскага машынабудавання. Таксама істотнымі крыніцамі прыбытку з’яўляюцца турызм і паляванне. Карысныя выкапні: нафта, жалезная руда, прыродны газ. Штат займае першае месца па здабычы торфа ў Злучаных Штатах.

Паводле Бюро Эканамічнага аналізу, ВУП у 2003 годзе склаў 365 млрд. Долараў.

Судовая сістэма правіць

Судовая сістэма Мічыгана — гэта аб’яднанне ўсіх судоў штата ў рамках канцэпцыі «Адзінага суда». Гэтая канцэпцыя дапускае функцыянаванне судовай сістэмы штата як адзінага падраздзялення, якое складаецца з розных структур, кожная з якіх выконвае сваю функцыю. Судовая сістэма ўключае:

  • Вярхоўны суд штата Мічыган
  • Апеляцыйны суд штата Мічыган
  • Суды першай інстанцыі (якія складаюцца з акруговых і раённых судоў)
  • Некалькі іншых адміністрацыйных і спецыялізаваных судоў (уключаючы суды дробных цяжбаў, суды па справах аб банкруцтве, суды па справах аб спадчыне і суды прэтэнзій).[4]

Судовая сістэма штата на 95 % фінансуецца з дзяржаўнага фонду. У 2019 годзе на яе фінансаванне было выдзелена 310 713 500$, што на 1,76 % больш, чым у 2018 годзе[5].

Зноскі

Літаратура правіць