Даніэль Набоа

Даніэль Рой Хількрыст Набоа Асін (англ.: Daniel Roy Gilchrist Noboa Azín; нар. 30 лістапада 1987, Маямі, Фларыда, ЗША) — эквадорскі палітычны дзеяч і бізнесмен у бананавай галіне. Прэзідэнт Эквадора з 23 лістапада 2023 года. У свае 36 гадоў ён з’яўляецца другім самым маладым прэзідэнтам у гісторыі Эквадора (першы — Хасэ Флорэс-і-Арамбуру) і самым маладым, абраным усенародным галасаваннем.

Даніэль Набоа
ісп.: Daniel Noboa
прэзідэнт Эквадора[d] з 23 лістапада 2023
Папярэднік	Гільерма Ласo
Нараджэнне	30 лістапада 1987(1987-11-30) (36 гадоў) Гуаякіль, кантон Гуаякіль[d], Правінцыя Гуаяс, Эквадор
Імя пры нараджэнні	ісп.: Daniel Roy Gilchrist Noboa Azín
Бацька	Álvaro Noboa[d]
Маці	Anabella Azin[d]
Жонка	Lavinia Valbonesi Acosta[d]
Веравызнанне	Каталіцкая Царква
Партыя	Ecuatoriano Unido[d] (2021) Movimiento Sociedad Unida Más Acción[d] (2022) National Democratic Action[d]
Адукацыя	Stern School of Business[d] (2010) Kellogg School of Management[d] (2019) Універсітэт Джорджа Вашынгтона (2022) Гарвардскі ўніверсітэт
Дзейнасць	бізнесмен, палітык, адміністратар
Медыяфайлы на Вікісховішчы

Біяграфія

Набоа быў членам Нацыянальнага сходу Эквадора з 2021 па 2023 год, да таго як яно было распушчана ў адпаведнасці з механізмам muerte cruzada, запушчаным прэзідэнтам Гільерма Ласа. Да сваёй палітычнай кар’еры займаў некалькі пасад у сямейным бізнесе. Яго бацька, Альвара Набоа, пяць разоў беспаспяхова вылучаўся на пасаду прэзідэнта Эквадора. Даніэля Набоа часта называюць спадчыннікам кампаніі і багацця бацькі.

У маі 2023 года Набоа вылучыў сваю кандыдатуру на пасаду прэзідэнта ў пазачарговых выбарах 2023 года ад «Нацыянальнага дэмакратычнага дзеяння». У другім туры выбараў змагаўся з Луісай Гансалес. Паказчыкі падтрымкі Набоа ў дні, якія папярэднічалі выбарам, былі нізкімі. Набраўшы амаль 52 % галасоў выбаршчыкаў у другім туры Набоа перамог на выбарах 15 кастрычніка 2023 г.

У цяперашні час ён з’яўляецца другім самым маладым дзеючым дзяржаўным лідарам у свеце пасля Ібрагіма Траорэ з Буркіна-Фасо.