Джэймс Хант

Джэймс Сайман Уоліс Хант (англ.: James Simon Wallis Hunt; 29 жніўня 1947 — 15 чэрвеня 1993) — англійскі аўтагоншчык, чэмпіён свету 1976 года ў аўтагонках у класе Формула-1. Па заканчэнні гоначнай кар’еры працаваў каментатарам на BBC і прадпрымальнікам.

Джэймс Хант
англ.: James Hunt
Агульная інфармацыя
Пол	мужчынскі пол
Імя пры нараджэнні	англ.: James Simon Wallis Hunt
Спецыялізацыя	аўтаспорт
Клуб	Hesketh Racing[d], Мак-Ларэн і Wolf Racing Cars[d]
Нарадзіўся	29 жніўня 1947(1947-08-29) Belmont[d], London Borough of Sutton[d], графства Вялікі Лондан, Вялікі Лондан, Англія, Вялікабрытанія
Памёр	15 чэрвеня 1993(1993-06-15)[…] (45 гадоў) Уімблдан, Мертан, графства Вялікі Лондан, Вялікі Лондан, Англія, Вялікабрытанія
Пахаванне	могілкі Патні-Вейл[d]
Грамадзянства	Вялікабрытанія
Альма-матар	Уэлінгтанскі каледж[d]
Медыяфайлы на Вікісховішчы

Пачаўшы кар’еру гоншчыка ў кузаўных аўтагонках, Хант неўзабаве пераходзіць у Формулу-3. Сваімі поспехамі ён прыцягнуў увагу каманды Hesketh і ў 1973 годзе ўпершыню выступіў у класе Формула-1 у складзе гэтай каманды. У канцы 1975 года ён становіцца пілотам McLaren і ў 1976 годзе, атрымаўшы 6 перамог, становіцца чэмпіёнам свету. У наступныя два гады Хант працягвае выступаць у McLaren, але ўжо з значна меншым поспехам, і ў 1978 годзе ён сыходзіць у адстаўку. У 1979 годзе Хант вяртаецца ў Формулу-1 у складзе новай каманды — Walter Wolf Racing. З сямі гонак ён скончыў толькі адну (восьмае месца), пасля чаго ўжо ў сярэдзіне сезону Хант канчаткова сыходзіць з вялікага спорту.