Ежы дэ Вірыён

Ежы дэ Вірыён (польск.: Jerzy de Virion; 23 верасня 1901, маёнтак Пагрыжаў — 3 лістапада 1941, Аўшвіц) — землеўласнік.

Ежы дэ Вірыён
Ляліва
Нараджэнне	23 верасня 1901(1901-09-23) Пагрыжаў[d], Расіенскі павет, Ковенская губерня, Расійская імперыя
Смерць	3 лістапада 1941(1941-11-03) (40 гадоў) Аўшвіц, Асвенцім
Род	дэ Вірыёны[d]
Бацька	Адам дэ Вірыён[d]
Маці	Соф’я Гэлена Цэліна з Ромераў[d]
Дзеці	Ян дэ Вірыён[d] і Тадэвуш дэ Вірыён[d]
Партыя	Беспартыйны блок супрацоўніцтва з урадам[d]
Член у	Таварыства народных дамоў[d]
Адукацыя	Варшаўскі ўніверсітэт
Навуковая ступень	магістр права[d]
Дзейнасць	адвакат
Бітвы	Польская абарончая вайна 1939

Біяграфія

Паходзіў са шляхецкага роду дэ Вірыёнаў герба «Ляліва». Сын Адама дэ Вірыёна (1870—1945) і Соф’і Гэлены Цэліны з Ромераў.

Скончыў у 1918 годзе школу ў Кіеве. Вучыўся на юрыста ў Варшаўскім універсітэце і ў Вільні. Магістр права. У 1919 годзе добраахвотнікам уступіў у польскае войска. Скончыў школу падхаружых кавалерыі ў Грудзёндзе.

Гаспадар маёнтка Лішкі каля Гродна, які атрымаў у 1923 годзе ад свайго бацькі. Арганізаваў племянную жывёлагадоўлю, рыбныя ставы. Сябра праўлення Таварыства народных дамоў (польск.: Towarzystwo domów ludowych), з 1931 года сябра прэзідыума павятовай Рады Беспартыйнага блока супрацоўніцтва з урадам (ББСУ).

У 1937 годзе праходзіў па справе злоўжыванняў у мясцовым камітэце Касы зберажэнняў, аднак быў апраўданы. Пасля гэтага працаваў нейкі час адвакатам у Варшаве.

Удзельнік Вераснёўскай кампаніі 1939 года. Пазней у польскай канспірацыі. Арыштаваны немцамі і зняволены ў Аўшвіцы. Атрымаў нумар 3570. Быў адным з арганізатараў вайсковага руху супраціву. Загінуў у канцлагеры.

Сям’я

23 студзеня 1923 года ажаніўся з Соф’яй з Бажанец-Елавіцкіх, (1901—1991), дачкой Казіміра Бажанец-Елавіцкага. З ёй меў двух сыноў:

• Ян «Ясь» (1924—2013), удзельнік Варшаўскага паўстання. У шлюбе з Соф’яй Густавай з Таўбэ.
• Тадэвуш Юзаф «Вальтэр» (1926—2010), удзельнік Варшаўскага паўстання. У першым шлюбе з Люцынай Янінай Рудзінскай (1926—1983), у другім — з Джаянты Хазра.

Літаратура

• Вірыён дэ Ежы герба Леліва. Памяць пра Гродна. Матэрыялы да біяграфічнага слоўніка постацей міжваеннага горада. 1919-1939 гг. / А.М. Чарнякевіч. — Гродна: ЮрСаПрінт, 2015. — С. 71-72. — 306 с. — ISBN 978-985-7134-05-2.
• ДАБВ Ф. 1. Воп. 9. Спр. 1611. Арк. 31 зв.;
• «Nowy dziennik. Wydanie wieczorne». 19.4.1938. № 107. Str. 8;
• Ziemianie polscy XX wieku. Słownik biograficzny. Częsć 7. Warszawa, 2004. Str. 176—177