Еўрапейскі ўніверсітэт «Viadrina»

Еўрапейскі ўніверсітэт «Viadrina» (ням.: Europa-Universität Viadrina) або Універсітэт Франкфурта-на-Одэры (ням.: Universität Frankfurt (Oder)) — нямецкая дзяржаўная вышэйшая навучальная ўстанова са статусам універсітэта з сядзібай у горадзе Франкфурт-на-Одэры.

Еўрапейскі ўніверсітэт «Viadrina»
ням.: Europa-Universität Viadrina
Арыгінальная назва	ням.: Europa-Universität Viadrina
Міжнародная назва	англ.: European University Viadrina
Заснаваны	1506
Год закрыцця	1811
Год рэарганізацыі	1991
Студэнты	6 716, 3 127, 3 461, 3 804, 4 166, 4 545, 5 158, 5 077, 5 133, 4 953, 5 124, 5 587, 6 187, 6 471, 6 506, 6 644, 6 478, 6 492, 6 709, 6 610, 6 437, 5 992, 5 573 і 5 210
Размяшчэнне	Франкфурт-на-Одэры
Сайт	europa-uni.de
Медыяфайлы на Вікісховішчы

Агульная інфармацыя

Універсітэт размешчаны ў Франкфурце-на-Одэры ў федэральнай зямле Брандэнбург. Горад размешчаны на рацэ Одэр, якая з’яўляецца мяжой паміж Германіяй і Польшчай. З 5 200 студэнтаў універсітэта каля 1 000 чалавек прыязджае сюды вучыцца з Польшчы. Установа з’яўляецца адным з самых маленькіх універсітэтаў Германіі (толькі ў Эрфурцкім і Брэменскім універсітэце Якабса менш студэнтаў, чым тут).

Лацінскае слова «Viadrina» азначае «той, што размешчаны на рацэ Одэр». На самой справе старажытная назва ракі не задакументавана, яна згадваецца як Oddera ў 991 годзе ў лацінамоўным дакуменце, які адносіцца да часоў панавання князя Мешка I. Лацінскі назоў, верагодна, быў уведзены мясцовым навукоўцам Ёдакам Віліхам (каля 1486—1552 гадоў) і з’явіўся ў «Касмаграфіі» Себасцьяна Мюнстэра ў 1544 годзе. Горад быў вядомы на латыні як «Francofortum ad Viadrum».

Факультэты

• Правазнаўства
• Сацыяльных навук і культуралогіі
• Бізнес-адміністравання і эканомікі

Спасылкі

• На Вікісховішчы ёсць медыяфайлы па тэме Еўрапейскі ўніверсітэт «Viadrina»
• Афіцыйная інтэрнэт-старонка ўстановы