Жабінкаўская раённая цэнтральная бальніца
УАЗ «Жабінкаўская раённая цэнтральная бальніца» — комплекс лячэбна-прафілактычных устаноў Жабінкаўскага раёна. Будынак ЦРБ знаходзіцца ў горадзе Жабінка.
Жабінкаўская ЦРБ | |
---|---|
Размяшчэнне | |
Дата заснавання | 1940 |
Каардынаты | |
Адрас | Брэсцкая вобласць, Жабінкаўскі раён, г. Жабінка 225101, вуліца Кірава, 126 |
zhabinkacrb.by |
Гісторыя правіць
Да 1940 годаў Жабінцы была толькі адна прыватная амбулаторыя. Пасля ўз’яднання Заходняй Беларусі з БССР пры Жабінкаўскім райвыканкаме ў 1940 годзе быў утвораны райздраўаддзел. У гарадскім пасёлку Жабінка Брэсцкай вобласці ў 1940—1941 гадах функцыянавала амбулаторыя.
Пасля Вялікай Айчыннай вайны ў прыстасаваным памяшканні па вуліцы Кірава была адкрыта раённая бальніца на 25 ложкаў, дзе былі хірургічныя, тэрапеўтычныя, дзіцячыя ложкі, а ў асобным доміку — інфекцыйныя. У будынку на перакрыжаванні вуліц Кірава і Суворава ў адной палавіне знаходзілася радзільнае адзяленне, у другой — аптэка. На вуліцы Леніна ў будынку амбулаторыі былі кабінеты тэрапеўта, хірурга, венеролага, псіхіятра, стаматолага і зубапратэзная лабараторыя. Яфім Самуілавіч Калядка — першы галоўны ўрач Жабінкаўскай райбальніцы. Праз год раённая бальніца пашырылася да 35 ложкаў, пачалі працаваць кабінеты тэрапеўта, хірурга, венеролага, псіхіятра, стаматолага.
З 10 красавіка 1947 года ў дзіцяча-жаночай кансультацыі ўсім дзецям з трохмесячнага ўзросту пачалі рабіць прышчэпкі супраць воспы. Усяго працавалі 7 урачоў і каля 40 медработнікаў сярэдняга звяна.
У 1957 годзе быў узведзены двухпавярховы будынак на 75 ложкаў, там размясціліся тэрапеўтычнае, хірургічнае, дзіцячае і радзільнае аддзяленні.
У канцы 1966 года ў раённай бальніцы быў арганізаваны санітарна-эпідэміялагічны адзел, а ў 1969 годзе ён ператвораны ў самастойную санітарна-эпідэміялагічную станцыю.
Мяжа 1970-1980-х гадоў стала на Жабінкаўшчыне часам аднаўлення медыцынскіх устаноў. Значны ўклад у гэтым заслужанага работніка аховы здароўя Беларусі В. А. Санюка, які кіраваў раённай бальніцай чвэрць стагоддзя. Найбольш значным дасягненнем гэтага перыяду стала будаўніцтва новага корпуса цэнтральнай раённай бальніцы. У 1988 годзе МПМК-10 пачала будаваць раённую бальніцу на 120 ложкаў.
У 1991 годзе адбылося адкрыццё новага корпуса бальніцы, у якім размясцілася дзіцячае, хірургічнае, акушэрска-гінекалагічнае і неўралагічнае, таксама клініка-біяхімічная лабараторыя, стэрылізацыйнае аддзяленне. Адкрылася адзяленне рэанімацыі на шэсць ложкаў. Значна палепшыліся ўмовы лячэння пацыентаў, працягвала паступаць ўсё новае медыцынскае і бытавое абсталяванне, узрасла кваліфікацыя дактароў і медсясцёр.
Сучасны стан правіць
Цэнтральная раённая бальніца з’яўляецца лячэбнай прафілактычнай установай раённага цэнтра, якая забяспечвае кваліфікаваную стацыянарную і паліклінічную медыцынскую дапамогу насельніцтву. Ахову здароўя раёна забяспечваюць 10 ФАПаў і 5 амбулаторый, сярод іх 3 амбулаторыі (Крыўлянская, Ленінская, Ракітніцкая), дзе працуюць урачы агульнай практыкі. Штат медыцынскіх работнікаў раёна на пачатак 2014 года складае 446 чалавек, сярод іх 63 урачы, сярэдні медперсанал — 215 чалавек.
Жабінкаўская цэнтральная раённая паліклініка — гэта шматпрофільная ўстанова, якая аказвае першасную лячэбна-дыягнастычную дапамогу насельніцтву. У структуру Жабінкаўскай цэнтральнай раённай паліклінікі ўваходзіць дзіцячая і жаночая кансультацыі, функцыянуюць кабінеты ўрачэй вузкіх спецыялізацый: атарынтолага, афтальмолага, хірурга, нарколага, стаматолага. Працуе кабінет ультрагукавой дыягностыкі; кабінет функцыянальнай дыягностыкі; клініка-дыягнастычная лабараторыя. Кабінеты аснашчаны сучасным абсталяваннем.
Раённую бальніцу ўзначальвалі правіць
- Яфім Самуілавіч Калядка (1944—1949)
- Марыя Яўсееўна Сычова (1952—1953)
- Васіль Канстанцінавіч Паляўцоў (1954—1957)
- Вера Цімафееўна Шукайлава (1956—1966)
- Уладзімір Мікалаевіч Каваленка (1966—1974)
- Віктар Аляксандравіч Санюк (1967—1974)[удакладніць]
- Анатоль Іванавіч Лаўрукевіч (з 2000)
Літаратура правіць
- Жабинковский район // Организаторы здравоохранения Республики Беларусь / [под ред. М. З. Ивашкевич и др.]. Молодечно, 2002. С. 155.
Спасылкі правіць
- Сайт Жабінкаўскай цэнтральнай раённай бальніцы Архівавана 7 жніўня 2020.