Жакмар дэ Эсдэн

Жакмар дэ Эсдэн або Жакмар дэ Эдэн (фр.: Jacquemart de Hesdin, каля 1355 — каля 1414) — французскі мастак-мініяцюрыст, які працаваў у стылі інтэрнацыянальнай готыкі.

Жакмар дэ Эсдэн
Дата нараджэння	1350 ці каля 1355
Месца нараджэння	мерк. Эдэн[d], canton of Hesdin[d], arrondissement of Montreuil[d], дэпартамент Па-дэ-Кале, рэгіён Нор — Па-дэ-Кале, Францыя
Дата смерці	1410 ці 1414
Грамадзянства	Францыя
Род дзейнасці	мастак, ілюмінатар рукапісаў
Заступнікі	Жан I Пышны[d]
Уплыў на	Master of Boucicaut[d]
Медыяфайлы на Вікісховішчы

Біяграфія

Жакмар нарадзіўся ў Артуа. Эсдэн, ад назвы якога мастак атрымаў сваю мянушку, — крэпасць на землях сучаснага дэпартамента Па-дэ-Кале (у той час гэта была частка Фландрыі і валоданне герцагаў Бургундыі). Магчыма, што Жакмар нарадзіўся там. Ён быў адным са шматлікіх нідэрландскіх мастакоў, якія з сярэдзіны XIV стагоддзі працавалі па замовах французскага каралеўскага дома. Адзіны вядомы заказчык Жакмара — Жан Бэрыйскі (1340—1416), малодшы брат французскага караля Карла V, які выдаткоўваў вялізныя сумы на сваю калекцыю твораў мастацтва.

Большай часткай Жакмар жыў і працаваў у Буржы, дзе знаходзілася асноўная рэзідэнцыя Жана Бэрыйскага. Ён працаваў па замовах герцага з 1384 па 1414 гг. З 1384 года Жакмар дэ Эсдэн атрымліваў рэгулярнае ўтрыманне з казны герцага. Вядома, што мініяцюры Жакмара дэ Эдэна ўпрыгожваюць Малы часасловец (Petites Heures, Нацыянальная бібліятэка, Парыж), Брусельскі або Прыгожы часасловец (Tres Bellers Heures, Каралеўская бібліятэка ў Бруселі), Вялікі часасловец (Grandes Heures, Нацыянальная бібліятэка, Парыж). З іх Вялікі часасловец лічыцца галоўным творам мастака.