Жанна д’Арк (карціна Расеці)

	Дантэ Габрыэль Расеці
	Жанна д'Арк. 1882
	Joan of Arc
Матэрыял	Дрэва
Тэхніка	масла
Памеры	52,7 × 45,7 см
	Музей Фіцуільяма, Кембрыдж
	(інв. 685)

«Жанна д’Арк» — карціна англійскага мастака-прэрафаэліта Дантэ Габрыэля Расеці, створаная ў 1882 годзе. Мастак завяршыў працу над карцінай за некалькі дзён да сваёй смерці, і яна стала яго апошнім творам. Карціна стваралася па заказе, аднак трапіла на аўкцыён, які арганізавалі пасля смерці мастака ў 1883 годзе. З 1909 года захоўваецца ў калекцыі Музея Фіцуільяма^[1].

Карціна практычна цалкам паўтарае акварэль, створаную Расеці ў 1864 годзе, якая ў сваю чаргу напісана па матывах яго ж карціны «Жанна д’Арк, якая цалуе меч вызвалення» 1863 года. Пры стварэнні вобраза Жанны д’Арк Расеці канцэнтраваўся на злучэнні прыгажосці, кахання з жанчынай-воінам^[2]. Цёплыя колеры адзення з вышыўкай, скуры, рудых валасоў кантрастуюць з халоднымі металічнымі даспехамі^[2]. Натуршчыцай для карціны стала Джэйн Морыс^[3].

У 1985 годзе карціна выстаўлялася ў Токіа^[1].

Зноскі

↑ ^а ^б Joan of Arc (англ.)(недаступная спасылка). The Fitzwilliam Museum, University of Cambridge, UK. Архівавана з першакрыніцы 8 сакавіка 2016. Праверана 25 мая 2016.
↑ ^а ^б Dante Gabriel Rossetti — Joan of Arc (англ.). Sotheby’s.
↑ Joan of Arc (англ.). Rossetti Archive.

[fitz-1] а ^б Joan of Arc (англ.)(недаступная спасылка). The Fitzwilliam Museum, University of Cambridge, UK. Архівавана з першакрыніцы 8 сакавіка 2016. Праверана 25 мая 2016.

[soth-2] а ^б Dante Gabriel Rossetti — Joan of Arc (англ.). Sotheby’s.

[arc-3] Joan of Arc (англ.). Rossetti Archive.

[1]

[2]

[3]