Музей Фіцуільяма
Музей Фіцуільяма (англ.: Fitzwilliam Museum) — музей мастацтваў і гісторыі пры Кембрыджскім універсітэце ў горадзе Кембрыдж (Вялікабрытанія).
| Музей Фіцуільяма | |
|---|---|
 | |
| Заснаваны | 1816[1] |
| Адкрыты | 1816 і 1848[1] |
| Месцазнаходжанне | |
| Наведвальнікі |
|
| Адрас | Trumpington Street, Cambridge CB2 1RB[1] |
| fitzmuseum.cam.ac.uk (англ.) | |
 Медыяфайлы на Вікісховішчы | |
Агульныя звесткі правіць
Музей быў утвораны ў 1816 годзе са спадчыны Рычарда Фіцуільяма, якая складалася са збору рэдкіх кніг і твораў мастацтва і якую ён завяшчаў універсітэту, а таксама 100 тысяч фунтаў стэрлінгаў. Будынак музея пабудаваны ў 1848 годзе архітэктарам Чарльзам Кокерэлам. Штогод музей Фіцуільяма наведвае да 300 тысяч чалавек. Уваход у музей бясплатны.
Збор правіць
Збор музея падзелены на пяць аддзяленняў:
- Старажытнае мастацтва
- Прыкладное мастацтва
- Манеты і медалі
- Рукапісы і кнігі
- Жывапіс і графіка
У аддзяленні Старажытнага мастацтва можна ўбачыць экспанаты са Старажытнага Егіпта, Старажытнай Грэцыі і Рыма, з краін Блізкага Усходу і Кіпра архаічнай і эліністычнай эпох. У аддзяленні Прыкладнога мастацтва можна бачыць англійскія і еўрапейскія прадметы побыту: посуд і крышталь, мэблю, гадзіннікі, зброю Сярэднявечча і Новага часу, а таксама асобнікі мастацтва з Кітая, Японіі і Карэі. Калекцыя манет і медалёў налічвае больш за 190 тысяч прадметаў захоўвання з усяго свету і ад пачатку чаканкі манет аж да нашых дзён. Аднак асобнага манетнага кабінета ў музеі няма, медалі і манеты дэманструюцца ў залах іншых аддзяленняў. У калекцыю ўваходзяць таксама гістарычныя і мастацкія медалі, ваенныя і грамадзянскія ўзнагароды, збор гем і камей. У аддзяленні рукапісаў і кніг сабраны старажытныя і сярэднявечныя манускрыпты, рэдкія друкаваныя кнігі, рукапісы і ноты, у тым ліку Вірджынальная кніга Фіцуільяма, адна з галоўных крыніц інструментальнай музыкі елізавецінскага перыяду (захавальнік музычнай калекцыі — буйны брытанскі музыказнавец Іэн Фенлан). У карціннай галерэі захоўваюцца палотны і графіка еўрапейскіх майстроў XIII—XX стагоддзяў, у тым ліку працы такіх майстроў, як Джамбатыста Пітані, Тыцыяна, Веранезэ, Рубенс, Ван Дэйк, Дэга, Манэ, Сезан, Рэнуар, Пікаса і іншых.