Жан II (граф Невера)

Жан II Бургундскі (фр.: Jean de Bourgogne, перад 20 кастрычніка 1415, Кламсі — 25 верасня 1491, Невер) — граф д’Этамп (1416—1421, 1442—1465), граф Неверскі (1464—1491) і Рэтэльскі (1464—1491), граф д’Э (1472—1477).

Жан II Неверскі
фр.: Jean de Bourgogne
граф Невера 1464 — 1491
Папярэднік	Карл Неверскі
Пераемнік	Энгельберт Клеўскі
граф Рэтэля 1464 — 1491
Папярэднік	Карл Неверскі
Пераемнік	Шарлота
граф д’Э 1472 — 1477
Папярэднік	Карл д'Артуа
Пераемнік	Карл Смелы
Нараджэнне	перад 20.10.1415 Кламсі, Францыя
Смерць	25 верасня 1491(1491-09-25) Невер, Францыя
Месца пахавання	Неверскі сабор[d]
Род	Малодшы Бургундскі дом
Бацька	Філіп Неверскі
Маці	Бона д’Артуа
Жонка	1) Жаклін д’Аілі 2) Паўліна дэ Брасэ
Дзеці	ад першага шлюбу: Лізавета і Філіп ад другога шлюбу: Шарлота
Узнагароды
Медыяфайлы на Вікісховішчы

Малодшы сын Філіпа II Бургундскага (1389—1415), графа Невельскага (1404—1415) і Рэтэльскага (1406—1415), ад другога шлюбу з Бонай д’Артуа (1396—1425).

Біяграфія

У кастрычніку 1415 года ў бітве з англічанамі пры Азенкуры загінуў Філіп Бургундскі, графа Неверскі і Рэтэльскі, бацька Жана, які нарадзіўся ў тым жа годзе. Графствы Невель і Рэтэль атрымаў у спадчыну яго старэйшы брат Карл (1415—1464).

У 1416 годзе пасля смерці свайго прадзеда, герцага Жана Берыйскага, Жан Неверскі атрымаў тытул графа д’Этамп. Але ў 1423 годзе графства д’Этамп было перададзена Рычарду дэ Манфору (1396—1438), графу дэ Верцю, па праве яго жонкі Маргарыты Арлеанскай. Аднак Жан дэ Невер працягваў называцца графам д’Этамп.

У маі 1464 года пасля смерці свайго старэйшага брата Карла Бургундскага, графа дэ Невер і дэ Рэтэль, які не пакінуў пасля сябе законных дзяцей, Жан Бургундскі, граф д’Этамп, атрымаў у спадчыну графствы Невер і Рэтэль.

У 1472 годзе пасля смерці свайго дзядзькі Карла д’Артуа (1394—1472), граф д’Э (1399—1472), які не пакінуў пасля сябе дзяцей, Жан дэ Невер атрымаў у спадчыну графства д’Э. У 1477 годзе вымушаны быў прадаць графства д’Э Карлу Смеламу, герцагу Бургундыі.

Жан Неверскі ўдзельнічаў у ваенных паходах свайго стрыечнага брата, герцага Бургундыі Філіпа Добрага, на Пікардыю (1434), Кале (1436), Люксембург (1443) і Фландрыю (1453). Пасля смерці Філіпа Добрага Жан дэ Невер пасварыўся з яго сынам Карлам Смелым і перайшоў на бок караля Францыі Людовіка XI Валуа (1461—1483).

У 1465 годзе Жан Бургундскі, граф дэ Невер, падтрымаў французскага караля Людовіка XI Валуа ў барацьбе супраць Лігі Агульнай выгоды. Быў прызначаны генерал-лейтэнантам Нармандыі.

У верасні 1491 года Жан Бургундскі, граф Неверскі і Рэтэльскі, сканаў у Неверы. Графства Невер атрымаў у спадчыну яго ўнук Энгельберт Клеўскі (1491—1506), сын Іагана I, герцага Клеўскага, і Лізаветы Неверскай. Графства Рэтэль атрымала яго малодшая дачка Шарлота (1491—1500), жонка Жана д’Альбрэ, сеньёра д’Арваль.

Сям’я і дзеці

Жан дэ Невер быў тройчы жанаты. 22 студзеня 1436 года ў Бруселі ажаніўся з Жаклін д’Аілі (1416—1470), даме d’Engelmuenster, ад шлюбу з якой меў двух дзяцей:

• Лізавета (1440—1483), жонка з 1455 года Іагана I (1414—1481), герцага Клеўскага і графа Марка (1448—1481).

• Філіп (1446—1452)

30 жніўня 1471 года другі раз ажаніўся з Паўлінай дэ Брасэ (1450—1479), дочкі Жана II дэ Бросе (1432—1482), графа дэ Пенцьеўр (1479—1482), і Ніколь дэ Шаціён (1424—1479), графіні дэ Пенцьеўр (1454—1479). Дзеці:

• Шарлота (1476—1500), графіня Рэтэльская (1491—1500), жонка Жана д’Альбрэ (1463—1524), сеньёра д’Арваль.

11 сакавіка 1480 года ў трэці раз ажаніўся з Франсуазай д’Альбрэ (1454—1521), дочкі Арно Аманье д’Альбрэ, сеньёра д’Арваль, і Ізабелы дэ Ла Тур д’Авернь, ад шлюбу з якой дзяцей не меў.