Зоя Францаўна Бальшакова

Зоя Францаўна Бальшакова
Зоя Францаўна Бальшакова
Пол	ж
Спецыялізацыя	веласіпедны і канькабежны спорт
Нарадзілася	25 снежня 1912; Вільня, Віленскі павет, Віленская губерня, Расійская імперыя;
Памерла	16 студзеня 1996 (83 гады); Мінск, Беларусь;
Пахаванне	Вайсковыя могілкі;
Грамадзянства	Беларусь;
Альма-матар	БДУФК;

Зоя Францаўна Бальшакова (25 снежня 1912(1912-12-25), Вільня — 16 студзеня 1996(1996-01-16), Мінск) — беларуская спартсменка і трэнер па веласіпедным і канькабежным спорце. Заслужаны майстар спорту СССР (1952), заслужаны трэнер БССР (1965), заслужаны дзеяч фізічнай культуры БССР (1973)^[1]. Жонка Барыса Аляксеевіча Бальшакова.

Біяграфія

Нарадзілася 25 снежня 1912 года ў Вільні.

З 1951 года — старшы трэнер зборнай жаночай каманды БССР па веласпорце. У 1955 годзе скончыла Беларускі інстытут фізічнай культуры. З 1956 года — трэнер па канькабежным спорце (адначасова — старшы трэнер зборнай БССР), з 1971 года — інструктар па юнацкаму спорту ў абласным савеце ФСТ «Дынама»^[1].

Чэмпіёнка СССР па веласіпедным спорце ў каманднай гонцы на трэку (1947—1948) і ў шашэйнай каманднай гонцы (1950). Сярод выхаванцаў Э. Матусевіч^[1].

Магіла Барыса і Зоі Бальшаковых

Памерла 16 студзеня 1996 года ў Мінску. Пахавана ў Мінску на Вайсковых могілках (падпахаваная да свайго мужа Барыса Аляксеевіча Бальшакова).

Зноскі

↑ ^а ^б ^в Большакова Зоя Францевна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 70. — 737 с.

[БС-1] а ^б ^в Большакова Зоя Францевна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 70. — 737 с.

[1]