Кадміяванне
Кадміяванне - хіміка-тэхнічны спосаб паляпшэння антыкаразійнай устойлівасці металічных вырабаў, сутнасць якога заключаецца ў нанясенні на іх паверхню тонкага (10 — 25 мкм) пласта кадмію. Гэта дазваляе прадухіліць негатыўныя эфекты ўздзеяння марской вады і атмасфернай карозіі, у сувязі з чым кадміяванымі робяць найбольш адказныя дэталі авіяцыйнай і суднавай тэхнікі. Акрамя іх яно ўжываецца для апрацоўкі вырабаў, якія эксплуатуюцца ва ўмовах трапічнага клімату.
![](http://upload.wikimedia.org/wikipedia/commons/thumb/3/3e/%D0%9A%D0%B0%D0%B4%D0%BC%D0%B8%D1%80%D0%BE%D0%B2%D0%B0%D0%BD%D0%B8%D0%B5.jpg/220px-%D0%9A%D0%B0%D0%B4%D0%BC%D0%B8%D1%80%D0%BE%D0%B2%D0%B0%D0%BD%D0%B8%D0%B5.jpg)
Як правіла, сам працэс кадміявання ажыццяўляецца з дапамогай вакуумных або электрахімічных тэхналогій з электралітамі на аснове простых соляў кадмію з калоіднымі дадаткамі. Калі апрацоўваны выраб мае складаную форму, то для яго кадміявання ўжываюцца рошчыны комплексных (часцей за ўсё — цыяністых) соляў.
У некаторых выпадках кадміявае пакрыццё робіцца выключна з дэкаратыўнымі мэтамі. Прысутнасць у атмасферы двухвокісу серы, якая характэрная для індустрыяльных раёнаў, значна зніжае ахоўныя ўласцівасці кадміевых пакрыццяў. Хуткасць карозіі кадміявага пакрыцця у прамысловай атмасферы у 1,5 - 2 разы вышэйшая за хуткасць карозіі шырока выкарыстанага цынкавага пакрыцця.
Літаратура
правіць- Кадмирование // Политехнический словарь. — 1989. — ISBN 5-85270-003-7.
- Т. 11. Италия — Кваркуш. — М. : Советская энциклопедия, 1973. — 608 с. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)