Каліфарнійская даліна
Каліфарнійская даліна (англ.: Central Valley of California) — шырокая, плоская даліна ў цэнтральнай частцы штата Каліфорнія, ЗША. Абмежаваная Каскаднымі гарамі з поўначы, хрыбтамі Сьера-Невада з усходу, берагавымі хрыбтамі з захаду і гарамі Тэхачапі з поўдня. Даўжыня даліны з поўначы на поўдзень складае каля 600 км. Яе паўночная частка таксама вядомая як даліна Сакрамента, а паўднёвая частка, як даліна Сан-Хаакін, мяжа якіх праходзіць у раёне дэльты рэк Сакрамента і Сан-Хаакін.
У даліне развіта земляробства і жывёлагадоўля.