Камон
Камон (яп.: 家紋, «знак дома»), таксама мон (яп.: 紋, «знак»), мансё (яп.: 紋章, мансё:, «радавы малюнак») — у Японіі — свайго роду сямейны герб. Камон з’яўляецца ў некаторай ступені арыгінальным знакам роду, сям’і ці чалавека, дастаткова вядомага, каб мець асабісты сімвал. Гэты знак не з’яўляецца гербам у агульным сэнсе гэтага слова, бо не прадстаўляе сабой геральдычную эмблему роду.
![](http://upload.wikimedia.org/wikipedia/commons/thumb/2/29/Japanese_Crest_Sagara_Ka.svg/250px-Japanese_Crest_Sagara_Ka.svg.png)
Дызайн
правіцьРадавыя знакі прадстаўляюць сабой стылізаваную выяву кветак, раслін, жывёл, пёраў, рукатворных прадметаў (веера і г.д.) і таму падобнага, звычайна упісаных у акружнасць. Традыцыйна камоны маюць двухколерную афарбоўку. Часам у камонах адлюстроўваюцца і прафесійныя атрыбуты ўладальніка (гейша, напрыклад, можа мець камон з выявай веера).
Гістарычная даведка
правіцьТрадыцыйна камоны маляваліся на кімано і хаоры прадстаўнікоў высакароднага саслоўя ў Японіі. З абодвух бакоў кімано магло быць намалявана ад аднаго да пяці камонаў, акрамя таго, яны маглі быць намаляваныя на рукавах і на спіне. Жанчыны высакароднага паходжання мелі права насіць на вопратцы свой сямейны камон, а не сімвал мужа, і перадаваць яго па спадчыне дочкам. Камон можа таксама адлюстроўвацца на некаторых прадметах, такіх як фіранкі, аздабленне паланкіна і г. д. Камоны атрымалі распаўсюджванне і як сімвалы, якія малююцца на сцяжках валадарных асоб, даймё і самураеў, на іх шлемах (яп.: 兜, кабута) і даспехах (яп.: 胴, до:).
Камоны з’яўляюцца збольшага і статуснымі сімваламі: больш старажытныя, простыя камоны часцяком кажуць аб высокім статусе свайго ўладальніка, альбо пра большую ўрачыстасць адзенні.
Сучаснасць
правіцьУ сучаснай Японіі практычна кожная сям’я мае свой камон, аднак выкарыстоўваюцца гэтыя знакі даволі рэдка. Часцей для афіцыйных і прадстаўніцкіх патрэб выкарыстоўваюцца інкан (яп.: 印鑑, «пячатка») — асабістая пячатка пацвярджэння, якая замяняе ў Японіі подпіс . У цяперашні час камон трывала ўвайшоў ва ўжытак як сімвал японскай даўніны, арнаментальны элемент афармлення японскіх рэстаранаў, крамаў, прадметаў нацыянальнага начыння.
Гл. таксама
правіць- Тамга — аналагічны цюркскі геральдычны сімвал.
Зноскі
Спасылкі
правіць- Каталог монов (англ.). Архівавана з першакрыніцы 9 лютага 2012.
- Найбольш поўны каталог монаў на японскай мове (яп.). Архівавана з першакрыніцы 28 сакавіка 2012. Праверана 15 ліпеня 2009.