Карнегі-Меланаўскі ўніверсітэт

Карнегі-Меланаўскі ўніверсітэт (англ.: Carnegie Mellon University) — амерыканская прыватная вышэйшая навучальная ўстанова са статусам даследчага ўніверсітэта, якая месціцца ў горадзе Пітсбург у штаце Пенсільванія, ЗША.

Карнегі-Меланаўскі ўніверсітэт
англ.: Carnegie Mellon University
Арыгінальная назва	англ.: Carnegie Mellon University
Заснаваны	1900
Студэнты	12 500 і 15 136
Краіна	ЗША
Размяшчэнне	Пітсбург, Пенсільванія, ЗША
Сайт	cmu.edu
Медыяфайлы на Вікісховішчы

Агульная характарыстыка

Установа была заснавана ў 1900 годзе Эндру Карнегі як тэхнічная школа. У 1912 годзе яна стала тэхналагічным інстытутам і пачала прадастаўляць чатырохгадовыя бакалаўрскія ступені. У 1967 годзе вучэльня стала ўніверсітэтам у выніку зліцця з інстытутам прамысловых студый, заснаваным у 1913 годзе Эндру і Рычардам Меланамі. Галоўны кампус універсітэта знаходзіцца ў 5 8 км ад цэнтра Пітсбурга. Ён таксама мае больш за дзясятак філіялаў на шасці кантынентах, уключаючы кампусы ў Катары, Крамянёвай даліне і Руандзе. Ва ўніверсітэце працуе больш за 1400 выкладчыкаў. Ён з'яўляецца сябрам Асацыяцыі амерыканскіх універсітэтаў і класіфікуецца як доктарскі ўніверсітэт з вельмі высокай даследчай актыўнасцю. Выкладчыкі і выпускнікі ўніверсітэта ўключаюць 20 лаўрэатаў Нобелеўскай прэміі і 13 лаўрэатаў прэміі Цьюрынга і атрымалі 142 прэміі Эмі, 52 прэміі Тоні і 13 прэмій Оскар.

Структура

• Каледж інжынерыі
• Каледж прыгожых мастацтваў
• Каледж гуманітарных і сацыяльных навук
• Каледж інфармацыйных сістэм і дзяржаўнай палітыкі
• Каледж прыродазнаўчых навук
• Школа камп'ютарных навук
• Школа бізнесу

Гл. таксама

• Спіс універсітэтаў штата Пенсільванія

Спасылкі

• На Вікісховішчы ёсць медыяфайлы па тэме Карнегі-Меланаўскі ўніверсітэт
• Афіцыйная інтэрнэт-старонка ўстановы