Каслтаўн (Мэн)

Каслтаўн (англ.: Castletown, мэнск.: Balley Chashtal) — горад на востраве Мэн. Насельніцтва — 3100 чалавек (перапіс 2001 года). У мінулым — сталіца вострава. У Каслтаўне размешчаны прэстыжны Каледж караля Вільгельма. Горад размешчаны на поўдні вострава, ля берага мора.

Каслтаўн Краіна  востраў Мэн Каардынаты 54°04′27″ пн. ш. 4°39′14″ з. д. Плошча 2,3 км² Насельніцтва 3 100 чал. (2001) Часавы пояс UTC+0 Тэлефонны код 01624 Паштовыя індэксы IM9 Афіцыйны сайт castletown.org.im Каслтаўн на карце вострава Мэн

Медыяфайлы на Вікісховішчы

Транспарт

У Каслтаўне размешчаны марскі порт, аднак з 1970-х гадоў ён практычна страціў камерцыйнае значэнне. У пачатку XXI стагоддзі порт выкарыстоўваецца ў асноўным рыбацкімі суднамі і яхтамі турыстаў. Зрэдку ў порт заходзяць невялікія гандлёвыя судны. Порт складаецца з двух гаваняў — знешняй і ўнутранай. Абедзве гавані перасыхаюць падчас адліву. Толькі ўнутраная гавань можа прымаць грузавыя судны. Максімальныя памеры суднаў, якія могуць заходзіць ва ўнутраную гавань — 55 метраў у даўжыню, 8,2 метра ў шырыню і асадка ў 3,5 м.

У Каслтаўне ёсць станцыя чыгункі вострава Мэн. Побач з горадам размешчаны адзіны аэрапорт вострава.

Славутасці

Каслтаўн захаваў гістарычную гарадскую забудову. Асноўная гістарычная славутасць — замак Рашэн. Замак быў заснаваны ў пачатку XIII стагоддзі. Цяпер у замку размешчаны музей.

Размешчаны побач з горадам Каледж караля Вільгельма размешчаны ў неагатычным будынку, пабудаваным у 1831—1833 гадах.

Спасылкі

• На Вікісховішчы ёсць медыяфайлы па тэме Каслтаўн (Мэн)