Касцёл Найсвяцейшай Дзевы Марыі Анёльскай (Лясная)

Касцёл Найсвяцейшай Дзевы Марыі Анёльскай — мураваны каталіцкі храм у вёсцы Лясная Баранавіцкага раёна Брэсцкай вобласці.

Каталіцкі храм
Касцёл Найсвяцейшай Дзевы Марыі Анёльскай
52°59′33″ пн. ш. 25°46′02″ у. д.
Краіна	Беларусь
Вёска	Лясная
Канфесія	Каталіцызм
Епархія	Пінская дыяцэзія Баранавіцкі дэканат
Будаўніцтва	2000
Стан	дзейнічае

Гісторыя

Пабудаваны ў канцы 20 ст. з цэглы. Асвячоны 19 траўня 2000 г. кардыналам Казімірам Свёнтакам.

Архітэктура

Архітэктурная стылістыка храма навеяна раманскім касцёльным дойлідствам 10—12 ст. Вырашаны прамавугольным у плане аб’ёмам пад двухсхільным дахам. Да фасада далучана двух’ярусная чатырохгранная шатровая званіца, з тыльнага боку — прамавугольная апсіда з бакавымі нізкімі сакрысціямі пад аднасхільным пакрыццём. Дынамічнае нарастанне аб’ёмна-прасторавай кампазіцыі да званіцы дасягаецца перападам пакрыццяў аб’ёмаў. Уваход вырашаны арачным перспектыўным парталам, над якім арачная ніша-экседра з паліхромнай скульптурай Хрыста. Бакавыя фасады рытмічна расчлянёны арачнымі вокнамі-біфорыумамі і пілонамі ў прасценках..

Літаратура

• Кулагін А. М. Каталіцкія храмы Беларусі: Энцыкл. даведнік / А. М. Кулагін

Спасылкі

• Лясная — парафія Найсвяцейшай Панны Марыі Анёльскай — http://catholic.by/
• Касцёл Найсвяцейшай Дзевы Марыі Анёльскай (Лясная) на сайце Глобус Беларусі (руск.)