Касцёл Святога Антонія (Слуцк)
Касцёл Святога Антонія — мураваны каталіцкі храм у горадзе Слуцку Мінскай вобласці. Уваходзіць у комплекс каталіцкага францысканскага кляштара. Знаходзіцца на вуліцы Зялёнай, 78.
| Каталіцкі храм | |
| Касцёл Святога Антонія | |
|---|---|
 | |
| 53°02′33″ пн. ш. 27°34′37″ у. д.HGЯO | |
| Краіна |
 Беларусь |
| Горад | Слуцк |
| Канфесія | Каталіцызм |
| Епархія | Мінска-Магілёўская архідыяцэзія |
| Будаўніцтва | 1992—2000 гады |
| Стан | дзейнічае |
 |
|
 Медыяфайлы на Вікісховішчы | |
Гісторыя
правіцьПарафія існуе з 1734 года. Парафія адроджана ў 1992 годзе. У 1993 годзе пачалося будаванне касцёла. 11 лістапада 2000 года адбылося асвячэнне касцёла, правёў яго кардынал Казімір Свёнтак[1].
Архітэктура
правіцьКасцёл прамавугольны ў плане, пакрыты двухсхільным дахам з вальмай над трохгранным алтарным выступам. З боку галоўнага фасада да ўвахода ў храм, які аформлены адкрытай галерэяй, вядзе шырокі ступеньчаты пад’ём з балюстрадай. Над галерэяй другім ярусам размяшчаецца невялікі прамавугольны ў плане аб’ём хораў, фасадную сцяну якога амаль поўнасцю займае арачнае акно. Унутраная прастора храма зальная. Бакавыя сцены праразаюць вузкія аконныя праёмы.
З правага боку пры ўваходзе ў храм узвышаецца магутная чацверыковая, пакрытая шатром, вежа-званіца, у якой размешчаныя ўверсе праёмы маюць крыжападобную форму.
У верасні 2000 года польскія спецыялісты ўсталявалі ў касцёле зроблены іспанскімі майстрамі арган[2].
Гл. таксама
правіцьЗноскі
- ↑ Четверть века. Приход костёла в Слуцке отмечает юбилей (руск.)(недаступная спасылка). Архівавана з першакрыніцы 29 верасня 2019. Праверана 29 верасня 2019.
- ↑ Францысканскі кляштарны комплекс