Клад-Халанскія муміі
Клад-Халан (шатл. гэл.: Cladh Hallan) — археалагічны помнік на востраве Саўт-Уіст у архіпелагу Знешнія Гебрыдскія астравы, Шатландыя. Раскопкі праводзіліся ў перыяд 1988-2002 гадоў.
У 2001 г. група археолагаў выявіла ў Клад-Халане 4 шкілета, адзін з іх належаў мужчыне, памерламу каля 1600 г. да н. э., і яшчэ адзін — жанчыне, якая памерла каля 1300 г. да н. э. (прыкладна тады ж, калі і Тутанхамон). Археолагі не адразу зразумелі, што шкілеты першапачаткова былі муміямі, паколькі з часам мяккія тканкі адпластаваліся, а шкілеты былі пахаваныя. Тым не менш, аналізы паказалі, што целы не былі пахаваныя прыкладна да 1120 г. да н. э., а таксама тое, што целы неўзабаве пасля смерці былі змешчаныя на перыяд 6-18 месяцаў у тарфяное балота. Пасля гэтага закансерваваныя цела былі, верагодна, змешчаныя ў нейкае памяшканне. Прычыны таго, чаму целы пазней былі пахаваныя, засталіся незразумелымі. Целы з Клад-Халана адрозніваюцца ад многіх балотных мумій тым, што былі змешчаныя ў балоцістае асяроддзе спецыяльна з мэтай захавання, тады як іншыя трапілі ў балота выпадкова.
Літаратура правіць
- Parker Pearson, M. et al. 2004 South Uist: Archaeology and History of a Hebridean Island. Stroud: Tempus.