КрАЗ-5233
КрАЗ-5233 — грузавы аўтамабіль падвышанай праходнасці з колавай формулай 4х4 або 4х2, які вырабляецца Крамянчугскім аўтазаводам з 2008 года.
КрАЗ-5233 | |
---|---|
Вытворца | Крамянчугскі аўтамабільны завод |
Месца вытворчасці | Крамянчуг |
Гады выпуску | 2008–н.ч. |
Колавая формула | 4х4 |
Дапушчальныя нагрузкі | |
Грузападымальнасць | 6 000 - 9 900 кг |
Вікісховішчы | на
У 2011 годзе аўтамабіль быў прыняты на ўзбраенне Узброеных сіл Украіны, а першыя пастаўкі ва ўкраінскае войска адбыліся ў сакавіку 2014 года.
Канструкцыя
правіцьКрАЗ-5233 — грузавы аўтамабіль павышанай праходнасці колавай формулы 4х4 або 4х2. Прызначаны для перавозкі грузаў і людзей, буксіравання транспартных сродкаў і спецыяльных прычэпаў па дарогах усіх катэгорый і бездаражу. Мае капотнае кампанаванне. Грузавая платформа — металічная з заднім адкідным бортам, аснашчана адкіднымі лаўкамі, дугамі і тэнтам.
Рухавік — ЯМЗ-238Д / ЯМЗ-238ДЕ2 — дызельны, васьміцыліндравы, V-падобны, з турбанаддзіманнем. Таксама магчымая ўстаноўка рухавікоў Cummins або Deutz. Каробка перадач — ЯМЗ-2381 — механічная, васьміступеньчатая. Раздаткавая каробка — механічная двухступеньчатая з міжвосевым блакаваным дыферэнцыялам. Вядучыя масты — цэнтральныя, двухступеньчатыя, аднахуткасныя, з міжколавымі блакіруемымі дыференцыяламі.
Пярэдняя і задняя падвескі — залежныя, на дзвюх уздоўжных паўэліптычных рысорах, пярэдняя з двума гідраўлічнымі амартызатарамі, задняя — балансірнага тыпу. Тармазная сістэма — пнеўматычнага тыпу. Рабочыя тормазы — колавыя тармазныя механізмы барабаннага тыпу, з унутранымі калодкамі; стаянкавыя тормазы — трансмісійны тормаз барабаннага тыпу на выходным вале раздаткавай каробкі; прывад механічны.
Гл. Таксама
правіцьКрАЗ-5233 на Вікісховішчы |
- КрАЗ-6322 — бартавы аўтамабіль / шасі з колавай формулай 6х6.
- КрАЗ-6446 — седлавы цягач.
- КрАЗ-65034 — самазвал.
- КрАЗ-64372 — лесавоз.