Крама Сыркіных (Гомель)

Крама Сыркіных — кніжна-музычная крама канца ХІХ — пачатку ХХ ст. у Гомелі. Належала членам сям’і Сыркіных, па імені канкрэтнага прадстаўніка (прадстаўніцы) якой атрымлівала ў пэўны перыяд удакладненую назву. Знаходзілася ў Гомелі па вуліцы Румянцаўскай. Рэалізоўвала кнігі, перыядычныя выданні, ноты, музычныя інструменты.  Пашырала квіткі на культурныя мерапрыемствы (вечарыны, канцэрты). Адзначылася ўласнай кнігавыдавецкай дзейнасцю і выпускам паштовак (краявіды Гомеля). З’яўлалася пунктам, дзе можна было набыць прадукцыю суполкі «Загляне сонца і ў наша аконца» і іншых выдаўцоў на беларускай мове, у тым ліку «беларускія паштовыя пісулькі» (паштоўкі).

Выдавецкая дзейнасць

Пад маркай «Выданне кнігарні Я. Г. Сыркіна» ў 1894 г. у Гомелі выйшла кніга  І. І. Гамава «Нарысы далёкай Сібіры».

«Выданне кніжнай і музычнай крамы Ц. Сыркінай у Гомелі» выпусціла шэраг паштовак з гомельскімі цікавосткамі:

• помнік фельдмаршала Паскевіча;
• веласіпедны трэк;
• каталіцкі касцёл;
• жаночая гімназія;
• гарадская дума;
• Румянцаўская вуліца.

Галерэя

• 
  Прыклад паштоўкі, выдадзенай крамай Ц. Сыркінай.
• 
  Рэклама тавараў крамы Я. Г. Сыркіна, 1909 г.
• 
  Анос канцэрта А. Вяльцавай, квіткі на які прадаваліся ў краме Я. Г. Сыркіна, 1912 г.