Крыштаф Алендскі (сын Станіслава)

Крыштаф Алендскі (? — 1565) — вялікалітоўскі дзяржаўны дзеяч.

Крыштаф Алендскі
Равіч
Смерць	1565
Род	Алендскія
Бацька	Станіслаў Алендскі

Біяграфія

Паходзіў са шляхецкага роду Алендскіх герба «Равіч», сын мельніцкага войскага Станіслава.

Першы раз узгадваецца ў крыніцах пад 1538 годам, каля 1545 года становіцца каралеўскім дваранінам Жыгімонта Аўгуста. У 1553 годзе ўдзельнік рыцарскага турніру ў Кракаве, арганізаванага ў сувязі са шлюбам Жыгімонта Аўгуста з Кацярынай Аўстрыйскай.

Староста браньскі і суражскі (1558). У 1563—1564 гадах дэлегат Вялікага Княства Літоўскага на варшаўскі сойм у справе уніі з Каронай Польскай ад шляхты Падляшскай.

Валодаў маёнткамі на Падляшшы — Ходаў, Скверчын Рускі, Пільчава.

Сям’я

Двойчы жанаты. Пакінуў дзвюх дачок Кацярыну і Малгажату ад першага шлюбу, і сына Адама, ад другога.

Літаратура

• Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 22. — 696 с. — ISBN 978-985-11-0487-7 (т. 3), ISBN 985-11-0315-2.