Ксіларыя (Xylaria) — род грыбоў сямейства Xylariaceae. Назва была ўпершыню апублікавана ў 1789 годзе[1] і паходзіць ад грэчаскага слова xýlon, што азначае дрэва.
Стромы вертыкальныя, цыліндрычныя, булавападобныя, ніткападобныя, лапатападобныя, прамыя або адагнутыя. Перытэцыі ў перыферычным пласце стромы пагружаныя, з часам злёгку выступаюць, шарападобныя або яйкападобныя. Аскі цыліндрычныя, 8-споравыя. Споры эліптычныя або тупа-верацёнападобныя, аднаклетачныя, чорныя. Канідыяльнае споранашэнне развіваецца на паверхні маладой стромы, пакрываючы яе шэрым або бялёсым налётам.
Зноскі
- Schrank, F. von P. 1789. Baierische Flora. 1:1-753 — P.200