Кіеўскі нацыянальны эканамічны ўніверсітэт імя Вадзіма Гэцьмана

Кіеўскі нацыянальны эканамічны ўніверсітэт імя Вадзіма Гэцьмана — дзяржаўная вышэйшая навучальная ўстанова эканамічнага профіля са статусам нацыянальнага ўніверсітэта, якая размешчана ў горадзе Кіеве.

Кіеўскі нацыянальны эканамічны ўніверсітэт імя Вадзіма Гэцьмана
Київський національний економічний університет імені Вадима Гетьмана
Арыгінальная назва	Київський національний економічний університет імені Вадима Гетьмана
Міжнародная назва	Kyiv National Economic University named after Vadym Hetman
Заснаваны	1906
Тып	профільная ВНУ
Рэктар	Дзмітрый Рыгоравіч Лук’яненка
Студэнты	20 000
Дактары	100
Прафесары	100
Краіна	Украіна
Размяшчэнне	Кіеў
Юрыдычны адрас	пр-т Перамогі 54/1, 03057 Кіеў, Украіна
Сайт	kneu.edu.ua
Медыяфайлы на Вікісховішчы

Гісторыя

• 1906 — Кіеўскія вышэйшыя камерцыйныя курсы
• 1908 — Кіеўскі камерцыйны інстытут
• 1920 — Кіеўскі інстытут народнай гаспадаркі
• 1934 — Кіеўскі фінансава-эканамічны інстытут
• 1960 — Кіеўскі інстытут народнай гаспадаркі
• 1992 — Кіеўскі дзяржаўны эканамічны ўніверсітэт
• 1997 — Кіеўскі нацыянальны эканамічны ўніверсітэт
• 2005 — Кіеўскі нацыянальны эканамічны ўніверсітэт імя Вадзіма Гэцьмана

Агульная характарыстыка

Кіеўскі нацыянальны эканамічны ўніверсітэт сёння — найбуйнейшая ва Украіне эканамічная вышэйшая навучальная ўстанова, прызнаны цэнтр падрыхтоўкі эканамістаў, менеджэраў і прававедаў.

Для ажыццяўлення адукацыйнай і навуковай дзейнасці ўніверсітэт валодае адпаведнай матэрыяльна-тэхнічнай базай. Плошча ўсіх памяшканняў універсітэта складае 119 тыс. м² або 9,4 м² у разліку на аднаго студэнта. Агульная плошча аўдытарнага фонду складае 14 тыс. м². Універсітэт мае таксама спартыўныя залы плошчай 6,7 тыс. м², а таксама ўласны стадыён. У структуры бібліятэкі 7 абанементаў і 14 чытальных залаў. Агульная плошча сталовых, буфетаў, інтэрнатаў, прафілакторыяў, спартыўных збудаванняў складае 57 тыс. м², у тым ліку шасці інтэрнатаў − 42,5 тыс. м².

Прыём ва ўніверсітэт па розным адукацыйна-кваліфікацыйным узроўням ажыццяўляецца за кошт сродкаў дзяржаўнага бюджэту Украіны і мясцовых бюджэтаў, а таксама на кантрактнай аснове за сродкі юрыдычных і фізічных асоб.

Структура

• Факультэт міжнароднай эканомікі і менеджменту
• Факультэт маркетынгу
• Факультэт упраўлення персаналам, сацыялогіі і псіхалогіі
• Факультэт уліку і падатковага менеджменту
• Факультэт фінансаў
• Факультэт эканомікі і кіравання
• Юрыдычны інстытут
• Інстытут інфармацыйных тэхналогій у эканоміцы
• Інстытут дыстанцыйнай адукацыі
• Крыварожскі эканамічны інстытут
• Крымскі эканамічны інстытут
• Прафесійны эканамічны каледж
• Каледж інфармацыйных сістэм і тэхналогій
• Роменскі каледж

Спасылкі

• Афіцыйны сайт універсітэта