Леўкіп
Леўкіп (стар.-грэч.: Λεύκιππος з Абдэры або Мілета; V стагоддзе да н.э.) — старажытнагрэчаскі філосаф, адзін з заснавальнікаў атамістыкі, настаўнік Дэмакрыта.
| Леўкіп | |
|---|---|
| стар.-грэч.: Λεύκιππος | |
 | |
| Дата нараджэння | V стагоддзе да н.э. |
| Месца нараджэння | |
| Дата смерці | V стагоддзе да н.э. |
| Грамадзянства | |
| Род дзейнасці | філосаф, фізік |
| Навуковая сфера | філасофія і касмалогія |
| Вядомыя вучні | Дэмакрыт |
 Медыяфайлы на Вікісховішчы | |
Вучань Зянона Элейскага, настаўнік Дэмакрыта. Пасля 450 г. заснаваў філасофскую школу ў Абдэры. Леўкіпу прыпісваюць творы «Вялікі дыякосмас», «Пра розум». Ён першы ўстанавіў закон прычыннасці і закон дастатковага абгрунтавання: «Ні адна рэч не ўзнікае беспрычынна, але ўсё ўзнікае на якой-небудзь падставе і ў сілу неабходнасці». Увёў у навуковы ўжытак паняцці: абсалютнай пустаты; атамаў, якія рухаюцца ў гэтай пустаце; механічнай неабходнасці. Сцвярджаў, што пустата раздзяляе ўсё існае на мноства элементаў, якія ўяўляюцца аднароднымі, непарыўнымі, а таму і непадзельнымі. Паводле Леўкіпа, атамы нязменныя, не валодаюць якасцю і адрозніваюцца адзін ад аднаго толькі велічынёй і формай; знаходзяцца ў вечным руху і ўтвараюць усё мноства рэчаў.