Лонданскі ўніверсітэт мастацтваў

Лонданскі ўніверсітэт мастацтваў (англ.: University of the Arts London) — брытанская дзяржаўная вышэйшая навучальная ўстанова са статусам універсітэта з сядзібай у Лондане.

Лонданскі ўніверсітэт мастацтваў
англ.: University of the Arts London
Арыгінальная назва	англ.: University of the Arts London
Заснаваны	1986
Краіна	Вялікабрытанія
Размяшчэнне	Лондан
Сайт	arts.ac.uk
Медыяфайлы на Вікісховішчы

Гісторыя

Універсітэт бярэ пачатак у сямі раней незалежных каледжах мастацтваў, дызайну, моды і камунікацый, якія былі аб'яднаны ў адміністрацыйных мэтах, каб сфармаваць Лонданскі інстытут у 1986 годзе. Першапачаткова каледжы былі створаны паміж 1850 годам і пачаткам ХХ стагоддзя. У адпаведнасці з законам аб рэформе адукацыі 1988 года Лонданскі інстытут стаў адзінай юрыдычнай асобай. Першым рэктарам быў прызначаны Джон Макензі. Інстытут атрымаў паўнамоцтвы па прысваенні дыпломаў у 1993 годзе. У 2001 годзе сэр Майкл Бічард быў прызначаны рэктарам і заахвоціў інстытут падаць заяўку на атрыманне статусу ўніверсітэта. Лонданскі інстытут першапачаткова вырашыў не падаваць заяўку, таму што яго асобныя каледжы былі прызнаныя на міжнародным узроўні самі па сабе. У 2003 годзе інстытут атрымаў дазвол на статус універсітэта; у 2004 годзе ён быў перайменаваны ў Лонданскі ўніверсітэт мастацтваў. Уімблдонская школа мастацтваў далучылася да ўніверсітэта як шосты каледж у 2006 годзе і была перайменавана ў Уімблдонскі каледж мастацтваў.

Структура

• Камберуэльскі каледж мастацтваў
• Сент-Марцінскі цэнтральны каледж
• Каледж мастацтваў Чэлсі
• Лонданскі каледж камунікацый
• Лонданскі каледж моды
• Уімблдонскі каледж мастацтваў

Спасылкі

• На Вікісховішчы ёсць медыяфайлы па тэме Лонданскі ўніверсітэт мастацтваў
• Афіцыйная інтэрнэт-старонка ўстановы