Лідская ступень
Лі́дская ступе́нь — тэктанічная структура ў паўночнай і паўночна-заходняй частцы Беларускай антэклізы.
![](http://upload.wikimedia.org/wikipedia/commons/thumb/f/fe/%D0%91%D0%B5%D0%BB%D0%B0%D1%80%D1%83%D1%81%D0%BA%D0%B0%D1%8F_%D0%B0%D0%BD%D1%82%D1%8D%D0%BA%D0%BB%D1%96%D0%B7%D0%B0.svg/300px-%D0%91%D0%B5%D0%BB%D0%B0%D1%80%D1%83%D1%81%D0%BA%D0%B0%D1%8F_%D0%B0%D0%BD%D1%82%D1%8D%D0%BA%D0%BB%D1%96%D0%B7%D0%B0.svg.png)
Апусканне крышталічнага фундамента ступеньчатае ў паўночным напрамку ад адзнак -50 да -150 м. Максімальныя вуглы падзення яго паверхні 0°5'. Фундамент скрозь перакрыты верхнепратэразойскімі (вендскімі) адкладамі. Вышэй у геалагічным разрэзе ў паўночна-заходняй частцы ступені пашыраны ніжнепалеазойскія (пераважна ніжне- і сярэднекембрыйскія) утварэнні, на невялікай яе паўночна-ўсходняй частцы — сярэднедэвонскія (пярну-нараўскія) адклады, на паўночна-заходняй ускраіне ў выглядзе невялікіх астравоў — верхнепермскія і верхнетрыясавыя адклады, на пераважнай частцы ступені — альбскія і сенаманскія адклады мелу і па ўсёй плошчы — антрапагенавыя ўтварэнні.
Адзначаны вялікія перарывы ў асадканамнажэнні. Паміж вендскімі адкладамі і крышталічным фундаментам вуглавыя нязгоднасці значныя, а паміж вендскімі і сярэднедэвонскімі, мелавымі і антрапагенавымі — слабавыразныя.
Літаратура
правіць- Гарэлік З. Лідская ступень // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.