МАЗ-5551

грузавы аўтамабіль
МАЗ-5551
1998. Stamp of Belarus 0263.jpg
МАЗ-5551 на беларускай марцы
Выпуск 1984[1]–н.ч.
Вытворца Мінскі аўтамабільны завод
Месца вытворчасці Мінск Сцяг Беларусі
Папярэднік МАЗ-5549
Пераемнік МАЗ-5550
Тып Самазвал
Колавая формула 4х2
Памеры
Колавая база 3300
Фотагалерэя на Wikimedia Commons Фотагалерэя на Wikimedia Commons

МАЗ-5551 — двухвосевы самазвал, які вырабляецца Мінскім аўтазаводам з 1984 года на базе аўтамабіля МАЗ-5337. Выпускаецца таксама ў варыянце шасі для мантажу рознага спецыяльнага абсталявання.

ГісторыяПравіць

Першыя прататыпы МАЗ-5551 былі пабудаваныя ў 1973 годзе. На канвеер машына ўстала ў 1984 годзе. Але ў 1984 годзе было выраблена ўсяго 32 машыны. У 1985 годзе — 1701. Устойлівы выпуск пачаўся з 1988 года[1].

У 19841990 МАЗ-5551 і МАЗ-5549 збіралі на заводзе паралельна.

З 1998 года самазвал стаў выпускацца з абноўленай кабінай, у якой для доступу да кропак абслугоўвання адкрывалася ўся пярэдняя абліцоўка, а не толькі рашотка радыятара.

АпісаннеПравіць

Кабіна — двухмесная, адкідальная наперад (гідрацыліндрам з ручным прывадам гідрапомпы).

 
Выгляд ззаду

Кузаў — суцэльнаметалічны з заднім бортам, які адчыняецца і зачыняецца аўтаматычна. Разгрузка — задняя ці 3-х баковая. Прадугледжана абаграванне дна кузава адпрацаванымі газамі рухавіка. Самазвальныя платформы доўгі час выпускаліся ў асобным цэху ў Мінску, пазней вытворчасць самазвальных кузаваў была пераведзена ў Магілёў на "Магілёўтрансмаш".

МадыфікацыіПравіць

МАЗ-55512Правіць

МАЗ-55512 — мадыфікацыя з газадызельным рухавіком, прататып.

У 1985 годзе быў створаны эксперыментальны газавы рухавік ЯМЗ-Э236М. Рухавік мог працаваць у двух рэжымах — як на дызельным паліве, так і на сціснутым прыродным газе з дадаткам запальной дозы дызпаліва. Ён меў дызельную сістэму сілкавання з паліўнай помпай высокага ціску і прыладай, якая забяспечвала пераключэнне рэжыму падачы паліва (толькі на дызельным паліве або на сумесі дызельнага паліва і газу), а таксама газадызельную сістэму сілкавання, сістэму каардынавання прывадам кіравання паліўнай помпы высокага ціску і дазатарам газа, і інш. дадатковае абсталяванне. Пяць металічных газавых балонаў размяшчаліся на раме[2].

МАЗ-55513Правіць

МАЗ-55513 — мадыфікацыя з поўным прывадам.

Аўтамабіль меў раму, пярэдні і задні масты, раздатачную каробку і іншыя агрэгаты лесавоза МАЗ-5434. Ад серыйнага МАЗ-5551 узялі стандартныя кабіну без спальнага месца і платформу аб'ёмам 5,5 куб.м. Сілавы агрэгат складаўся з 240-моцнага васьміцыліндравага V-падобнага рухавіка ЯМЗ-238М2, які ўсталёўваўся на лесавозы, і 5-ступеньчатай каробкі перадач ЯМЗ-236П, узятай ад базавага самазвала. Мадыфікацыя з 230-моцным рухавіком ЯМЗ-236НЕ Еўра-1 мела індэкс МАЗ-555130.

Выпускаўся ў абмежаванай колькасці[3].

Тэхнічныя характарыстыкіПравіць

МАЗ-5551-020
  • Падрыхтаваная маса, кг: 7470
  • Поўная маса, кг: 17620
  • Грузападымальнасць, кг: 10000
  • Аб'ём кузава, м³: 5,5
  • Рухавік: V6, ЯМЗ-236М2
  • Магутнасць, кВт (к.с.): 132 (180)
  • Крутоўны момант, Нм: 667
  • Каробка перадач: ЯМЗ-236П, 5-ст, механічная
  • Макс. хуткасць, км/г: 83
  • Выдатак паліва, л: 22,8
  • Аб'ём паліўнага бака, л: 200
МАЗ-555102-020
  • Падрыхтаваная маса, кг: 8000
  • Поўная маса, кг: 18000
  • Грузападымальнасць, кг: 10000
  • Рухавік: V6, ЯМЗ-236НЕ2 (Еўра-2)
  • Магутнасць, кВт (к.с.): 169 (230)
  • Крутоўны момант, Нм: 900
  • Каробка перадач: ЯМЗ-236П, 5-ст, механічная
  • Макс. хуткасць, км/г: 90
  • Аб'ём паліўнага бака, л: 200

Зноскі

ЛітаратураПравіць

СпасылкіПравіць