Магілёўская бальніца №1

Магілёўская бальніца № 1 (Лаўсанаўская) — бальніца ў Магілёве. Размешчана па вул. Акадэміка Паўлава, 2, на паўднёва-ўсходняй ускраіне горада. Побач знаходзіцца Магілёўскі абласны анкалагічны дыспансер.

Магілёўская бальніца №1
Размяшчэнне	Магілёў
Дата заснавання	31 жніўня 1972
Галоўны ўрач	Віктар Сяргеевіч Клачкоў
Характарыстыкі
Супрацоўнікаў	1000
Урачоў	170
Спальных месцаў	750

З’яўляецца шматпрофільнай спецыялізаванай лячэбна-прафілактычнай установай на 750 коек для аказання кругласутачнай стацыянарнай медыцынскай дапамогі па ўсіх асноўных раздзелах медыцыны: тэрапія і кардыялогія, хірургія, акушэрства і гінекалогія, інфекцыйная паталогія.

У бальніцы працуе больш за 1000 супрацоўнікаў. Штогод лячэнне праходзіць звыш 28000 чалавек, выконваецца больш за 1000 аперацый, прымаецца больш за 3000 родаў.

Гісторыя

У 1967 годзе ў раёне Слаўгарадскай шашы на ўскраіне горада каля ляснога масіва распачата будаўніцтва бальніцы КСВ на 930 коек. 31 жніўня 1972 года загадам абласнога аддзела аховы здароўя медслужба камбіната сінтэтычнага валакна перайменавана ў медсанчастку КСВ.

24 кастрычніка 1974 года інфекцыйнае аддзяленне бальніцы прыняло першага хворага. З лістапада 1974 года паступова адкрываюцца аддзяленні бальніцы. У 1977 годзе медыка-санітарная частка КСВ складалася са стацыянара на 900 коек, паліклінікі на 600 наведванняў і 13 пунктаў аховы здароўя. У стацыянары разгорнута 19 лячэбных аддзяленняў і 16 спецыялізаваных кабінетаў.

У 1989 годзе ўведзены ў эксплуатацыю корпус аднаўленчага лячэння, дзе размясціліся: фізіятэрапеўтычнае аддзяленне з бальнеалячэбніцай і 2 неўралагічныя аддзяленні.

Галоўныя ўрачы

• красавік 1974 — красавік 1997 — Сцяпан Іосіфавіч Ільяшук
• красавік 1997 — лістапад 2004 — Віктар Панцялеевіч Ісачкін
• лістапада 2004 — кастрычнік 2012 — Уладзімір Іванавіч Пячкоўскі
• з лістапада 2012 — Віктар Сяргеевіч Клачкоў

Структура

Маюцца наступныя стацыянарныя лячэбныя аддзяленні:

• артапедычнае аддзяленне;
• хірургічнае аддзяленне;
• практалагічнае аддзяленне;
• акушэрскія аддзяленні;
• два гінекалагічныя аддзяленні;
• тэрапеўтычнае аддзяленне
• два кардыялагічныя аддзяленні;
• два неўралагічных аддзяленні;
• аддзяленні нефралогіі і гемадыялізу;
• дзіцячае інфекцыйнае боксавае аддзяленне;
• рэнтгеналагічнае аддзяленне, у тым ліку і кабінет камп’ютарнай тамаграфіі;
• аддзяленне функцыянальнай дыягностыкі (ультрагукавыя даследаванні, эндаскапічныя даследаванні);
• клініка-дыягнастычная лабараторыя (абсталявана сучаснымі шматфункцыянальнымі аналізатарамі і выконвае шырокі спектр даследаванняў);
• фізіятэрапеўтычнае аддзяленне;
• аддзяленне анестэзіялогіі і рэанімацыі, у тым ліку «Кабінет лячэння болю» і кабінет «Лазернай тэрапіі».

Спасылкі

• На Вікісховішчы ёсць медыяфайлы па тэме Магілёўская бальніца №1
• mb1.by — афіцыйны сайт Магілёўскай бальніцы №1