Мадонна з дзіцем і Святымі Дамінікам і Тамашам Аквінскім
Мадонна з дзіцем і Святымі Дамінікам і Тамашам Аквінскім (італ.: Vergine col Bambino tra i santi Domenico e Tommaso d'Aquino) — фрэска Фра Беата Анджэліка, створаная для манастыра Святога Даменіка ў Ф'езоле , якая ў цяперашні час захоўваецца ў Эрмітажы ў Санкт-Пецярбургу. Яна створана да 1435 і мае памеры 196x184 см.
| ||
Фра Беата Анджэліка | ||
Мадонна з дзіцем і Святымі Дамінікам і Тамашам Аквінскім. 1435 | ||
італ.: Vergine col Bambino tra i santi Domenico e Tommaso d'Aquino | ||
Матэрыял | фарба для фрэскі[d] | |
---|---|---|
Тэхніка | фрэска | |
Памеры | 184 × 196 см | |
Эрмітаж, Санкт-Пецярбург | ||
(інв. ГЭ-253[1]) | ||
Медыяфайлы на Вікісховішчы |
Гісторыя
правіцьФрэска ўпрыгожвала спальню кляштара і была аддзелена і продана падчас напалеонаўскіх падзей, калі большая частка скарбаў была разрабавана. Пазней фрэску прадалі з аўкцыёна[2]. Існуе падобная фрэска пэндзля Фра Анджэліка, змешчаная на партале царквы Святога Дамініка ў Картоне , датаваная 1438 годам, на якой можна бачыць выяву Мадонны з дзіцем і святымі Дамінікам і Пятром Веронскім.
Апісанне
правіцьПраца ўяўляе сабой Мадонну з дзіцем на троне з двума найбольш важнымі святымі дамініканцаў Дамінікам і Тамашам Аквінскім.
Вобразы святых дзіўна гарманічныя і ўзгодненыя. У цэнтры сіметрычнай кампазіцыі сядзіць Мадонна з Немаўлём, злева ад яе — святы Дамінік з лілеяй у руцэ, сімвалам чысціні, справа — святы Тамаш Аквінскі з адкрытай кнігай Святога Пісання[3]. У адрозненне ад святых, чыім вобразам нададзены індывідуальныя рысы і характары, вобраз Марыі моцна ідэалізаваны. Менавіта яе чароўнае аблічча надае карціне дух глыбокага лірызму[4].
Фра Анджэліка не імкнецца тут паказаць дынамічнае дзеянне або прасторавую глыбіню, якія так прыцягвалі яго сучаснікаў. Але ён дасягае тут такой скульптурнай манументальнасці якая ўласцівая хіба што такім вытанчаным інтэлектуалам як П’ера дэла Франчэска[4].
Гэтая фрэска была ў значнай ступені перапісана[4].
Гэтая карціна, разам з Укрыжаваннем з укленчаным святым Дамінікам , якая зараз у Луўры, з'яўляецца важнай, паколькі яна паказвае ранняе развіццё стылю Фра Анджэліка, які пазней праявіцца ў фрэсках манастыра Сан-Марка ў Фларэнцыі.
Зноскі
- ↑ а б https://www.hermitagemuseum.org/wps/portal/hermitage/digital-collection/01.+Paintings/29262/ Праверана 7 снежня 2016.
- ↑ Фра Беато Анджелико да Фьезоле (Гвидо ди Пьетро) (руск.)
- ↑ Мадонна с Младенцем, святым Домиником и святым Фомой Аквинским — Фра Беато Анджелико (руск.)
- ↑ а б в Фрески монастыря Сан Доменико в Фьезоле (руск.)
Літаратура
правіць- John Pope-Hennessy , Beato Angelico, Scala, Firenze 1981.
- Guido Cornini, Beato Angelico, Giunti, Firenze 2000 ISBN 88-09-01602-5
Спасылкі
правіць- Анжелико, Фра Беато(недаступная спасылка) (руск.)