Малкалм Фрэйзер
Джон Малкалм Фрэйзер (21 мая 1930, Турак (прыгарад Мельбурна — 20 сакавіка 2015, Мельбурн) — аўстралійскі палітычны дзеяч, прэм'ер-міністр Аўстраліі ў 1975—1983 гг.
| Джон Малкальм Фрэйзер John Malcolm Fraser | |||||
 | |||||
| |||||
|---|---|---|---|---|---|
| 11 лістапада 1975 — 11 сакавіка 1983 | |||||
| Манарх | Елізавета II | ||||
| Папярэднік | Гоф Уітлэм | ||||
| Пераемнік | Роберт Хоўк | ||||
| Партыя | |||||
| Адукацыя | |||||
| Дзейнасць | палітык | ||||
| Нараджэнне | 21 мая 1930 | ||||
| Смерць | 20 сакавіка 2015 (84 гады) Мельбурн | ||||
| Пахаванне | |||||
| Бацька | Джон Невіл Фрэйзер | ||||
| Маці | Уна Вульф | ||||
| Жонка | Тамара Маргарэт "Тамі" Фрэйзер (з 1956) | ||||
| Дзеці | 4 | ||||
| Узнагароды |
| ||||
Нарадзіўся ў сям'і з палітычнымі традыцыямі: яго дзед, Сімон Фрэйзер, быў дэпутатам віктарыянскага парламента і аўстралійскага сената. Бацька быў вядомым жывёлаводам. Вучыўся па спецыяльнасці «філасофія, палітыка і эканоміка» ў каледжы Магдалены ў Оксфардзе (скончыў у 1952), дзе ён пасябраваў з будучым прэм'ер-міністрам Канады Джонам Цёрнерам.
З 1955 - дэпутат парламента ад ліберальнай партыі Аўстраліі. Уваходзіў у кансерватыўнае крыло партыі. У 1966 — міністр па справах арміі, у 1969-71 — міністр абароны (сышоў у адстаўку з-за рознагалоссяў з прэм'ер-міністрам, адстойваючы больш актыўны ўдзел Аўстраліі ў вайне ў Індакітаі). У 1968—69 і 1971—72 — міністр адукацыі і навукі. У сакавіку 1975 года абраны лідарам ліберальнай партыі.
З 11 лістапада 1975 года, калі генерал-губернатар Дж.Кэр пазбавіў лідара лейбарысцкай партыі Г.Уітлэма паўнамоцтваў прэм'ер-міністра, узначальваў пераходны ўрад. Пасля выбараў узначаліў кааліцыйны ўрад ліберальнай і нацыянальнай партый.
У 1977 годзе лібералізаваў іміграцыйную палітыку, што рэзка павялічыла прыток эмігрантаў, перш за ўсё з азіяцкіх краін.