Мандрагонэ

Мандрагонэ (італ.: Mondragone) — італьянскі горад на ўзбярэжжы Тырэнскага мора, размешчаны за 45 км ад Неапаля.

Мандрагонэ Краіна  Італія Каардынаты 41°06′00″ пн. ш. 13°53′00″ у. д. Плошча 55,72 км² (9 кастрычніка 2011) Вышыня цэнтра 10 ± 1 м Насельніцтва ▼28 622 чал. (1 студзеня 2023) Часавы пояс UTC+1 і UTC+2 Тэлефонны код 0823 Паштовыя індэксы 81034 Аўтамабільны код CE Афіцыйны сайт mondragone.net Мандрагонэ на карце Італіі

Медыяфайлы на Вікісховішчы

У старажытнасці гэты раён засялялі аўрункі. У 296 г. да н.э. рымлянамі паблізу развалін грэчаскага Сінопа была заснавана калонія Сінуэса. На мяжы нашай эры Сінуэса квітнела як станцыя на Апіевай дарозе і цэнтр значнага вінаробнага раёна. Па звестках Тацыта, менавіта ў Сінуэсе памёр ад атруты імператар Клаўдзій.

У Мандрагонэ захавалася некалькі сведчанняў існавання антычнай Сінуэсы, уключаючы акведук і маўзалей Торэ-дэль-Паладзіна (I ст. да н.э.). У 1911 годзе пры апрацоўцы вінаградніку была зроблена сенсацыйная знаходка — статуя багіні Афрадыты IV стагоддзя да н.э., якая паходзіла, як мяркуецца, з вілы Цыцэрона. У цяперашні час «Венера з Сінуэсы» ўпрыгожвае Нацыянальны музей у Неапалі.