Вікіпедыя

Масавае забойства ў Дакшон

Масавае забойства ў Дакшон — масавае забойства мірнага насельніцтва камуністычнымі партызанамі ў ходзе В’етнамскай вайны, што адбылося ў 1967 годзе.

Труп аднаго з жыхароў Дакшон.

Вёска Дакшон была размешчана ў Паўднёвым В’етнаме, у 120 км на паўночны ўсход ад Сайгона. У канцы 1967 года тут пражывалі бежанцы — мантан’яры, якія прыбылі сюды з тэрыторый, што кантраляваліся Нацыянальным фронтам вызвалення Паўднёвага В’етнама (В’етконг). Яны адмовіліся ад патрабавання НФВПВ вярнуцца на старое месца жыхарства і даць рэкрутаў для ўдзелу ў вайне супраць паўднёвав’етнамскага ўрада і яго саюзнікаў на чале з ЗША[1]. У ноч на 5 снежня вёска была атакавана некалькімі сотнямі партызан НФВПВ. З дапамогай агнямётаў яны задушылі супраціў вясковага атрада самаабароны[2][3]. Паблізу знаходзіліся паўднёвав’етнамскія падраздзяленні, але тыя не змаглі аказаць дапамогу вёсцы[4]. Усяго ў ходзе бою і наступных расстрэлаў былі забіты 252 мірных жыхароў Дакшон; каля 100 чалавек партызаны гвалтоўна павялі з сабой. Зніклымі без вестак лічыліся 500 чалавек, частка з якіх бегла ў джунглі, а частка загінула.

Трагедыя ў Дакшон была адным са шматлікіх выпадкаў наўмыснага забойства мірнага насельніцтва ваюючымі бакамі ў ходзе В’етнамскай вайны.

Зноскі

  1. ↑ The Blood-Red Hands of Ho Chi Minh Архівавана 11 жніўня 2021. (Reader's Digest, ноябрь 1968)
  2. ↑ Krohn, Charles A. The Last Battalion. p. 30.
  3. ↑ http://www.virtual.vietnam.ttu.edu/cgi-bin/starfetch.exe?sChOubo.LCctE5dCKhl3JvYOz0qh7yZCw7BGzvffNIEfnqFJvbXmjx2tW1l81BhQ3g@Z5nzDMBmadMoArEMac4sdSxNaZA91Qk0g9flbB8IImL2htxwIOQ/2311311042.pdf Архівавана 16 красавіка 2016.
  4. ↑ http://www.virtual.vietnam.ttu.edu/cgi-bin/starfetch.exe?eKyNkWEKgWpJ2CYvu.l2TRFzyh8Png25ko4LXJ6cB0QXbn8KPI.kqU8kkJnr7KuopP0HzfKYOldN3jOuWssZXt2Hit1PYbUs.7OEgI35RUth3XXUOUL9ew/2311404002.pdf Архівавана 16 красавіка 2016.

Спасылкі

правіць
Узята з "https://be.wikipedia.org/w/index.php?title=Масавае_забойства_ў_Дакшон&oldid=4491540"