Мацвей Ігнацій Кулігоўскі

Мацвей Ігнацій Кулігоўскі (польск.: Mateusz Ignacy Kuligowski; ? — пасля 1699) — дзеяч каталіцкай царквы, пісьменнік.

Мацвей Ігнацій Кулігоўскі
Асабістыя звесткі
Дата нараджэння XVII стагоддзе
Дата смерці не раней за 1699
Грамадзянства
Прафесійная дзейнасць
Род дзейнасці пісьменнік
Мова твораў польская

Плябан бярозаўскі з 1675 года і воўпенскі ў 1688—1699 гадах, дэкан ваўкавыскі з 1688 года, архідыякан бакавенскі і протанатарыус апостальскі з 1694 года. Магчыма, выкладаў вольныя навукі і філасофію.

ТворчасцьПравіць

Выдаў вершаваную кнігу «Гук доблеснага Марса ў агульнай хацінскай экспедыцыі і атрыманай у 1673 годзе над туркамі перамогі» («Dźwiek Marsa walecznego w walnej ekspedycji chocimskiej i otrzymanego w roku 1673 nad Turkami zwycięstwa», Вільня, 1674), зборнік гербавых вершаў, аповесцей, анекдотаў «Смешны Дэмакрыт, альбо Смех хрысціянскага Дэмакрыта з гэтага света» («Demokryt śmieszny, albo Śmiech Demokryta chrześciańskiego z tego świata», Вільня, 1699). Пераклаў з лацінскай мовы і забяспечыў уласнымі дадаткамі кнігу «Індыйскі каралевіч у польскі строй прыбраны, альбо Гісторыя пра святога Іасафата, індыйскага каралевіча, і пра святога Варлаама, пустэльніка скіта Сенаар» («Królewic indyjski w polski strój przybrany, albo Historia o świętym Jozafacie królewicu indyjskim i o świętym Barlaamie pustelniku pustyniej Senaar nazwanej», Кракаў, 1688; адзін з варыянтаў «Гісторыі пра Варлаама і Іасафата»). Пераклаў кнігу П. Бесэ «Плач хрысціянскага Геракліта альбо пакутуючага грэшніка» (Варшава, 1694).

СпасылкіПравіць