Мелвін Патан

Мелвін Эмер «Мел» Патан (англ.: Melvin Emery "Mel" Patton; 16 лістапада 1924, Лос-Анджэлес, ЗША — 9 мая 2014, Фолбрук, Каліфорнія, ЗША) — амерыканскі лёгкаатлет, двухразовы алімпійскі чэмпіён Гульняў у Лондане (1948).

Мелвін Патан
Агульная інфармацыя
Пол	мужчынскі пол
Спецыялізацыя	лёгкая атлетыка
Нарадзіўся	16 лістапада 1924(1924-11-16) Лос-Анджэлес, акруга Лос-Анджэлес, Каліфорнія, ЗША
Памёр	9 мая 2014(2014-05-09) (89 гадоў) Фолбрук[d], акруга Сан-Дыега, Каліфорнія, ЗША
Грамадзянства	ЗША
Альма-матар	Універсітэт Паўднёвай Каліфорніі Універсітэцкая вышэйшая школа[d]
Рост	185 см
Вага	72 кг
Медыяфайлы на Вікісховішчы

Найбольшых спартыўных дасягненняў дамогся падчас навучання ва ўніверсітэце Паўднёвай Каліфорніі. Трэніраваўся ў Дына Кромвеля. Таксама наведваў Універсітэт Каліфорніі (University High School).

У 1947, 1948 і 1949 гадах станавіўся пераможцам чэмпіянатаў NCAA на дыстанцыі 100 ярдаў, у 1948 і 1949 гадах тамсама выйграў і ў забегу на 220 ярдаў. У 1947 годзе щсталяваў сусветны рэкорд на 100 ярдаў — 9,4 с. У наступным годзе палепшыў гэты вынік на адну дзесятую — 9,3 с. У 1949 годзе з вынікам 20,2 с пабіў сусветны рэкорд Джэсі Оўэнса на 220 ярдаў. У складзе зборнай Паўднёвай Караліны двойчы абнаўляў сусветны рэкорд у эстафеце 4×220 ярдаў.

На летніх Алімпійскіх гульнях у Лондане (1948) быў пятым на 100-метроўцы, аднак затым здабыў залатыя медалі на дыстанцыі 200 м і ў эстафеце 4×100 м.

Пасля завяршэння спартыўнай кар’еры некалькі гадоў працаваў у якасці трэнера па лёгкай атлетыцы, а затым цалкам засяродзіўся на дзейнасці па ўніверсітэцкай спецыяльнасці ў электроннай прамысловасці ў кампаніі Sanders Associates, Inc.