Мідлсекскі ўніверсітэт

Мідлсекскі ўніверсітэт (англ.: Middlesex University) — брытанская дзяржаўная даследчая вышэйшая навучальная ўстанова са статусам універсітэта з сядзібай у Лондане.

Мідлсекскі ўніверсітэт
англ.: Middlesex University
Арыгінальная назва	англ.: Middlesex University
Заснаваны	1878
Год рэарганізацыі	1992
Размяшчэнне	Лондан
Сайт	mdx.ac.uk
Медыяфайлы на Вікісховішчы

Агульная характарыстыка

Назва універсітэта ўзята ад гістарычнай мясцовасці Мідлсекс на паўночным захадзе Лондана.

Гісторыю ўніверсітэта можна выводзіць з 1878 года, калі быў створаны каледж Святой Кацярыны як педагагічны каледж для жанчын. Пасля аб'яднання з некалькімі іншымі інстытутамі, універсітэт быў кансалідаваны ў сваім цяперашнім выглядзе ў 1992 годзе.

У вучэльне налічваецца больш за 19 000 студэнтаў у Лондане і больш за 37 000 па ўсім свеце. Універсітэт мае сувязі па абмене студэнтамі з больш чым 100 універсітэтамі ў 22 краінах Еўропы, ЗША і свету. Толькі ў кампусе ў Мідлсексе прадстаўлена больш за 140 нацыянальнасцей. Акрамя таго, у яго ёсць кампусы на Мальце, у Дубаі і на Маўрыкіі, а таксама шэраг мясцовых офісаў па ўсім свеце.

Cтруктура

• Факультэт мастацтваў і крэатыўных індустрый
• Факультэт прафесійных і сацыяльных навук
• Факультэт навукі і тэхнікі

Спасылкі

• На Вікісховішчы ёсць медыяфайлы па тэме Мідлсекскі ўніверсітэт
• Афіцыйная інтэрнэт-старонка ўстановы