Мікалай Усцімавіч Чурсін
Мікалай Усцімавіч Чурсін (нар. 1 студзеня 1947, п. Прыморскі, Чалябінская вобласць, РСФСР) — беларускі палітык.
| Мікалай Усцімавіч Чурсін | |
|---|---|
| Нараджэнне |
1 студзеня 1947 (77 гадоў) |
| Адукацыя | |
| Дзейнасць | палітык |
| Узнагароды | |
Біяграфія правіць
Нарадзіўся 1 студзеня 1947 года ў п. Прыморскі Чалябінскай вобласці РСФСР.
Скончыў Магнітагорскі горна-металургічны інстытут, інжынер-будаўнік. Працоўную дзейнасць пачаў прасаўшчыком завода металаканструкцый у Магнітагорску. Пасля службы ва Узброеных Сілах працаваў майстрам, старшым майстрам, начальнікам цэха, начальнікам вытворчага аддзела, галоўным інжынерам завода металаканструкцый у Магнітагорску. З’яўляўся дырэктарам завода трубчастых будаўнічых канструкцый, другім сакратаром гаркама КПСС Першаўральска. Быў намеснікам дырэктара па вытворчасці, галоўным інжынерам, дырэктарам завода лёгкіх металаканструкцый у Маладзечне. З 1995 года займаў пасаду старшыні Маладзечанскага гарвыканкама.
Выбіраўся дэпутатам Палаты прадстаўнікоў Нацыянальнага сходу Рэспублікі Беларусь трэцяга склікання[1]. З’яўляўся старшынёй Пастаяннай камісіі Палаты прадстаўнікоў па жыллёвай палітыцы, будаўніцтве, гандлі і прыватызацыі[2].
Узнагароды правіць
- Медаль «90 год Узброеных Сіл Рэспублікі Беларусь»,
- ганаровая грамата Нацыянальнага сходу Рэспублікі Беларусь,
- ганаровая грамата Міжпарламенцкай Асамблеі Еўразійскага эканамічнага супольніцтва[3].
Зноскі
- ↑ ЧУРСИН НИКОЛАЙ УСТИМОВИЧ Архівавана 29 студзеня 2020.
- ↑ Постановление Палаты представителей Национального собрания Республики Беларусь от 18 ноября 2004 г. № 22-П3/I «Об избрании Постоянной комиссии Палаты представителей Национального собрания Республики Беларусь по жилищной политике, строительству, торговле и приватизации»
- ↑ ПАРЛАМЕНТ — Нацыянальны сход Рэспублікі Беларусь трэцяга склікання Архівавана 16 верасня 2020.