Міклаш Барабаш

Міклаш Барабаш (венг. Barabás Miklós; 22 лютага 1810, Маркушфалва, цяпер Румынія — 12 лютага 1898, Будапешт) — венгерскі мастак — партрэтыст і пейзажыст. Набыў прызнанне і вядомасць яшчэ пры жыцці. Вядомы сваімі партрэтамі дзеячаў палітыкі, культуры і мастацтва Венгрыі.

Міклаш Барабаш
венг.: Barabás Miklós
Род дзейнасці	літограф, мастак, фатограф, дзеяч выяўленчага мастацтва
Дата нараджэння	10 лютага 1810(1810-02-10)
Месца нараджэння	Mărcușa[d], Catalina[d], Кавасна (жудзец), Румынія
Дата смерці	12 лютага 1898(1898-02-12)[…] (88 гадоў)
Месца смерці	Будапешт, Аўстра-Венгрыя
Месца пахавання	Керэпешы[d]
Грамадзянства	Аўстрыйская імперыя
Член у	Венгерская акадэмія навук
Медыяфайлы на Вікісховішчы

Біяграфія

Міклаш Барабаш — трансільванскі венгр. Сярэднюю адукацыю атрымаў у рэфармацкім каледжы Надзь-Энеда, дзе вучыўся ў аспірантуры і выкладаў яго дзядзька Міклаш Гаал. Потым Міклаш вывучаў мастацтва ў сталіцы Аўстрыі горадзе Вене ў Акадэміі выяўленчых мастацтваў у 1829—1830 гадах.

У 1830 годзе навучаўся майстэрству літаграфіі ў Габара Бары ў Клужы. У 1831 годзе з’ехаў на два гады ў Бухарэст, дзе атрымаў досвед партрэтнага жывапісу. У 1834—1835 гадах падарожнічаў па Італіі. У 1836—1838 гадах аднавіў вучобу ў Будапешце. Канчаткова ўладкаваўся ў Будапешце пасля 1840 года. Маляваў многіх выдатных сучаснікаў, а таксама стварыў дакументальныя партрэты гістарычных герояў Венгрыі, Трансільваніі і Харватыі. У 1867 годзе быў абраны дэпутатам Венгерскага парламента.

На творчасць Барабаша аказалі ўплыў густы, якія панавалі ў Вене. Яго партрэты, часта невялікага фармату, нясуць адбітак бідэрмеера. Многія работы Барабаша прадстаўлены ў экспазіцыі Венгерскай нацыянальнай галерэі. Пахаваны на могілках Керапешы, магілу ўпрыгожвае помнік працы Эдуарда Тэльча.