Міхаіл Якаўлевіч Каплан

савецкі і расійскі драматычны акцёр і тэатральны педагог, народны артыст Расійскай Федэрацыі (1997)

Міхаіл Якаўлевіч Каплан (29 жніўня 1932, Свяцілавічы, Гомельская вобласць, Беларуская ССР — 7 ліпеня 2022, Ізраіль) — савецкі і расійскі драматычны акцёр і тэатральны педагог, народны артыст Расійскай Федэрацыі (1997).

Міхаіл Якаўлевіч Каплан
Дата нараджэння 29 жніўня 1932(1932-08-29)
Месца нараджэння
Дата смерці 7 ліпеня 2022(2022-07-07) (89 гадоў)
Месца смерці
Месца пахавання
Грамадзянства
Прафесія акцёр, тэатральны педагог
Гады актыўнасці 19542012
Узнагароды
Заслужаны артыст РСФСР Народны артыст Расійскай Федэрацыі

БіяграфіяПравіць

Нарадзіўся 29 жніўня 1932 года ў пасёлку Свяцілавічы Гомельскай вобласці БССР. Вырас у Свярдлоўску, куды ў 1941 годзе з двума дзецьмі эвакуіравалася яго маці.

У 1954 годзе скончыў Ленінградскі тэатральны інстытут імя А. М. Астроўскага. З верасня па кастрычнік 1954 года служыў у Рэспубліканскім тэатры рускай драмы Карэла-Фінскай ССР (Петразаводск). З верасня 1957 па верасень 1958 года быў акцёрам Чыцінскага абласнога драматычнага тэатра. З верасня 1958 па жнівень 1971 года выступаў на сцэне Стаўрапольскага тэатра драмы.

З верасня 1971 года больш за 40 гадоў служыў у Пензенскім абласным драматычным тэатры, дзе сыграў амаль 70 роляў.

У 1970-я гады выкладаў сцэнічную мову і сцэнічны рух на тэатральным аддзяленні Пензенскага культурна-асветнага вучылішча, з 2008 па 2012 год вёў заняткі на акцёрскім аддзяленні Пензенскага каледжа культуры і мастацтваў.

Апошнія 10 гадоў жыў у Ізраілі, дзе праходзіў працяглы курс лячэння. Памёр 7 ліпеня 2022 года на 90-м годзе жыцця ў Ізраілі. Пахавалі яго там жа 8 ліпеня 2022 г.