Наталля Сцяпанаўна Васілевіч
Наталля Сцяпанаўна Васілевіч (15 сакавіка 1982, Мінск) — беларуская праваабаронца, палітолаг і тэолаг.
| Наталля Сцяпанаўна Васілевіч | |
|---|---|
| Дата нараджэння | 15 сакавіка 1982 (42 гады) |
| Месца нараджэння | |
| Грамадзянства | |
| Месца працы | |
| Альма-матар | |
| Член у | |
Біяграфія правіць
Закончыла Беларускі гуманітарны ліцэй (1999). Навучалася на аддзяленні паліталогіі юрыдычнага факультэта БДУ (1999—2004), у магістратуры аддзялення паліталогіі юрыдычнага факультэта БДУ (2004—2005) і аспірантуры кафедры паліталогіі юрыдычнага факультэта БДУ (2005—2008).
Выкладала на кафедры тэорыі і гісторыі права Беларускага інстытута правазнаўства.[1]
У 2014 годзе атрымала ступень магістра ў экуменічных даследаваннях у Бонскім універсітэце. З 2015 года — дактарантка філасофскага факультэта Бонскага ўніверсітэта.
Дзейнасць правіць
Каардынатарка моладзевай філіі Брацтва Трох Віленскіх пакутнікаў Антонія, Яна і Яўстафія Віленскіх, сябра Каардынацыйнай рады Аб’яднання моладзі Беларускай Праваслаўнай Царквы (2002—2005).
Сузаснавальніца і сябра рэдакцыйнай рады часопіса «Палітычная сфера».
Сузаснавацельніца праваслаўнага партала «Царква» (2004—2015).[2][3]
Сябра адміністратыўнай рады Сусветнага брацтва праваслаўнай моладзі «Сіндэсмас», рэгіянальная прадстаўніца Цэнтральнай Еўропы (2007—2009).[3]
У 2010—2019 гадах супрацоўнічала ў структурах Канферэнцыі Еўрапейскіх Цэркваў.
У 2019 годзе заснавала і рэдагуе часопіс міждысцыплінарных і міжканфесійных даследаванняў хрысціянства «Збожжа».
З 2020 года — мадэратарка экуменічнай групы «Хрысціянская візія»[4] і рэдактарка ейных вэб-сайтаў «Царква і палітычны крызіс у Беларусі» і «Хрысціяне супраць вайны».
Публікацыі і даследаванні правіць
Аўтарка блога «Пані з кадзілам» (2002—2019).
Аўтарка шматлікіх артыкулаў і выступаў у сферы палітыкі, правоў чалавека, свабоды рэлігіі і веравызнання, цэркваў і экуменічнага дыялогу ў Беларусі і ў замежжы, і ролі хрысціян і рэлігійных інстытутаў у пратэстах 2020-га і ў наступныя гады.
Зноскі правіць
- ↑ Андрэй Смятаннікаў. Выкладчыкі беларускай ВНУ засталіся бяз працы з-за перакананьняў. Generation.by (28/09/2011). Архівавана з першакрыніцы 28 красавіка 2012. Праверана 14 сакавіка 2023.
- ↑ Архіўная копія. Царква. Архівавана з першакрыніцы 17 мая 2008. Праверана 14 сакавіка 2023.
- ↑ а б Наталка Бабіна. Незнаёмае праваслаўе. Наша ніва (31 студзеня 2008). Праверана 14 сакавіка 2023.Сустрэча Сіндэсмаса на тэму: "Ажыцьцяўленьне саборнасьці ў нашым жыцьці" ў Астуні, Італія. Ватыканскае Радыё (22 кастрычніка 2008). Праверана 14 сакавіка 2023.
- ↑ Макар Мыш. «Ватыкан ідзе на кампраміс з сіламі зла?», або Што стаіць за палітыкай Папы Францішка ў дачыненні Беларусі. Белсат. Праверана 08.11.2022.