Новы Львоў

Новы Львоў
Новы Львоў
	Новий Львів
Горад	Львоў
Адміністрацыйны раён горада	Сыхіўскі раён
Першае згадванне	ХІХ ст.
Ранейшы статус	фальварак
Год уключэння ў межы горада	1920-1930-я гг.
Ранейшыя назвы	Красучын

Новы Львоў (укр.: Новий Львів) — мясцовасць у Сыхіўскім раёне Львова, якая знаходзіцца між вуліц В. Стуса, Дзіброўнай, І. Франка і П. Мырнага.

Гісторыя

У пачатку ХХ ст. гэта быў фальварак, названы ў 1881 г. Красучынам - у гонар ягонага ўладальніка - М. Красуцкага (раней называўся Катэрыніўкай), які знаходзіўся на скрыжаванні сучасных вуліц В. Стуса і Герояў Крут.

Ф. Касслер і А. Остэн запланавалі ў 1910 г. стварыць тут раён індывідуальнай забудовы па тыпу віл. Яны стварылі план горада-саду ў выглядзе прамавугольніка з вялікай круглай плошчай у цэнтры, ад якой разыходзіліся шэсць вуліц. На іх планавалася будаваць вілы і 2-3-павярховыя дамы, акружаныя садамі. Да пачатку Першай сусветнай вайны паспелі збудаваць толькі некалькі домікаў у раёне цяперашніх вуліц Цярнопальскай (№15) і Герояў Крут (№6, 6а). Ад астатняга горада новы раён меў аддзяляць парк "Залізна вада", закладзены ў 1905 г. на схілах паміж Красучынам і Сафіеўкай.

У 1930-х гг. паміж вуліцамі Цешынскай (цяпер Цярнопальская) і Св. Сафіі (цяпер Яраславенка) быў перабудаваны пад кіраўніцтвам архітэктара Тадэвуша Врубеля раён віл ў стылі функцыяналізму. Большасць з іх пабудавана па тыпавых праектах. Толькі некалькі дамоў маюць індывідуальныя рысы. Сярод іх віла пры былой вул. Шлёнскай 11 (Сілезскай, цяпер Кібальчыча), пабудаваная Врубелем у 1932 г. для мастака А.Э. Бажэмскага, з кампазіцыяй "дзяўчына з ручніком" у стылі ар-дэко на сцяне фасада, пазней (у пасляваенныя гады аж да часу масавай пабудовы тыпавых пяціпавярховікаў) у адным з суседніх дамоў № 15 злева знаходзілася хлебная крама. Менавіта гэты ўчастак стаў называцца Новым Львовам.

У адным з такіх будынкаў з савецкіх часоў дзейнічала жыллёва-екстпуатаційная кантора (ЖЭК) Новага Львова, у пачатку 2010-х гг. кіраўніцтва камунальнага прадпрыемства ЖКХ Новага Львова перамясцілася ў памяшканне іншага аддзялення ЖЭС за рынкам «Верхні Шувар», сад каля дома прыватызаваны і забудаваны шматпавярховымі дамамі. За 1990-2000-я гг. у мікрараёне дадалося некалькі шматпавярховак, а многія вілы падвергліся перабудове, месцы былых вытворчых прадпрыемстваў паміж вул. Угорскай і Цярнопальскай ў 2010-х гг. забудоўваюцца дамамі-хмарачосамі.