Ордэн Зялезнага Рыцара
Ордэн Зялезнага (Жалезнага) Рыцара — вайсковая ўзнагарода рады БНР.
| Ордэн Зялезнага Рыцара | ||
|---|---|---|
|
||
| Краіна |
.svg){kind=small} Беларуская Народная Рэспубліка |
|
| Тып | ордэн | |
| Каму ўручаецца | вайскоўцам | |
| Кім уручаецца |
Галоўны камандовец войска БНР Прэзідэнт БНР (часова) |
|
| Падставы ўзнагароджання | учыненне выдатнага ваеннага ўчынку | |
| Дата заснавання | 1 верасня 1949 года | |
| Статус | уручаецца | |
| Першае | да 24 лютага 1952 года | |
| Чарговасць узнагарод | ||
| Старэйшая | Ордэн Пагоні | |
Гісторыя правіць
Ордэн зацверджаны 1 верасня 1949 года дэкрэтам прэзідэнта Рады БНР Міколы Абрамчыка. Ордэн Зялезнага Рыцара быў прызначаны для «адзначэньня ваенных ці вайсковых заслугаў» і быў узнагародай «выдатных ваенных учынкаў». Гэтую ўзнагароду меў права надаваць галоўны камандовец беларускага войска, або ў мірны час — былы галоўны камандовец. Аднак на пачатку 1950-х гадоў галоўнага камандоўца не было, таму «капітулу ордэну «Зялезнага Рыцара» часова замяняў прэзідэнт Рады БНР. Статут ордэна быў зацверджаны і пачаў дзейнічаць з 6 жніўня 1951 года.
Аднак пакуль не вядома, ці была вырабленая гэтая ўзнагарода, ці яна засталася толькі праектам. У беларускай газеце «Бацькаўшчына», якая выдавалася ў Мюнхене, у нумары за 24 лютага 1952 года быў пададзены толькі малюнак ордэна, а таксама статут. У гэтай публікацыі былі таксама і іншыя ўзнагароды БНР. Паводле гэтай жа газеты гэтым медалем ужо былі ўзнагароджаныя:
- Міхал Вітушка — Ордэнам Зялезнага Рыцара 3-й клясы.
- Усевалад Родзька — Ордэнам Зялезнага Рыцара 3-й клясы.
- Маёр Саха — Ордэнам Зялезнага Рыцара 4-й клясы.
- 3-ы Камандоўцы асобных аддзелаў і адзін афіцэр сувязі — Ордэнамі Зялезнага Рыцара 4-й клясы
Апісанне правіць
Ордэн Зялезнага Рыцара мае чатырохканцовы крыж, пасярэдзіне якога дзве скрыжаваныя шаблі. Ордэн выконваецца з золата, срэбра ці бронзы, шаблі на ім з таго ж матэрыялу, што і ордэн. На раменнях крыжа літары «Б.Н.Р.» Адваротны бок ордэна як пярэдні, але без літараў і шабляў і з парадкавым нумарам. Стужка чырвонага (цёмнага) і зямельнага (бурага) колеру, зложаная трохкутнікам. На стужцы дзве скрыжаваныя шаблі, як і на ордэне.
Ступені правіць
Ордэн падзяляўся на пяць клясаў, а таксама на:
- Вялікі Крыж
- Камандорскі Крыж
- Кавалерыйскі Крыж
- Залаты Крыж ордэна Зялезнага Рыцара
- Срэбны Крыж ордэна Зялезнага Рыцара